സി.പി.ഐ.എം പയ്യോളി ഏരിയ സമ്മേളനത്തിന് നന്തിയില്‍ ആവേശോജ്ജ്വല തുടക്കം
പയ്യോളി: സി.പി.ഐ.എം പയ്യോളി ഏരിയ സമ്മേളനത്തിന് ആവേശോജ്വല തുടക്കം. നന്തി വീരവഞ്ചേരിയിലെ പി.ഗോപാലന്‍, ഒ.കെ.പി കുഞ്ഞിക്കണ്ണന്‍ നഗറില്‍ സംസ്ഥാന സെക്രട്ടറിയേറ്റ് അംഗം ടി.പി.രാമകൃഷ്ണന്‍ ഉദ്ഘാടനം ചെയ്തു.
മുതിര്‍ന്ന നേതാവും ഏരിയ കമ്മിറ്റി അംഗവുമായ ടി.ചന്തു പതാക ഉയര്‍ത്തി. ഏരിയ കമ്മിറ്റി അംഗങ്ങളായ പി.അനൂപ് രക്തസാക്ഷി പ്രമേയവും വി.ഹമീദ് അനുശോചന പ്രമേയവും അവതരിപ്പിച്ചു. ടി.ചന്തു, സി.കെശ്രീകുമാര്‍, പി.എം വേണു ഗോപാലന്‍, സി.വി.ശ്രുതി എന്നിവരടങ്ങുന്ന പ്രസീഡിയം സമ്മേളനം നിയന്ത്രിക്കുന്നു. വി.ഹമീദ് കണ്‍വീനറായി പ്രമേയ കമ്മിറ്റിയും പി.വി.മനോജന്‍ കണ്‍വീനറായി മിനുട്‌സ് കമ്മിറ്റിയും സുരേഷ് ചങ്ങാടത്ത് കണ്‍വീനറായി ക്രഡന്‍ഷ്യല്‍ കമ്മിറ്റിയും എസ്.കെ.അനൂപ് കണ്‍വീനറായി രജിസ്‌ട്രേഷന്‍ കമ്മിറ്റിയും പ്രവര്‍ത്തിക്കുന്നു.
ഏരിയ സെക്രട്ടറി എം.പി.ഷിബു പ്രവര്‍ത്തന റിപ്പോര്‍ട്ട് അവതരിപ്പിച്ചു. സ്വാഗത സംഘം ചെയര്‍മാന്‍ കെ.ജീവാനന്ദന്‍ സ്വാഗതം പറഞ്ഞു. സംസ്ഥാന കമ്മിറ്റി അംഗം കെ.കെ.ലതിക, ജില്ലാ സെക്രട്ടറിയേറ്റ് അംഗങ്ങളായ കെ.കെ.ദിനേശ ന്‍, കെ.കെ.മുഹമ്മദ്, ജില്ലാ കമ്മിറ്റി അംഗങ്ങളായ കെ.കുഞ്ഞമ്മദ്, പി.വിശ്വന്‍, കെ.ദാസന്‍, കാനത്തില്‍ ജമീല എം.എല്‍.എ, ഡി.ദീപ എന്നിവര്‍ പങ്കെടുത്തു. 110 പ്രതിനിധികള്‍ സമ്മേളനത്തില്‍ പങ്കെടുക്കുന്നുണ്ട്. ഞായറാഴ്ച സമാപിക്കും.