‘കൊയിലാണ്ടിയിലും പരിസരപ്രദേശങ്ങളിലും പാര്‍ട്ടി കെട്ടിപ്പടുത്ത് ശക്തിപ്പെടുത്തുന്നതില്‍ മുഖ്യ പങ്ക് വഹിച്ച നേതാവ്’; സി.പി.ഐ.എം മുന്‍ ജില്ലാ കമ്മറ്റി അംഗം സി.ആര്‍. നായരുടെ ഒന്നാം ചരമവാര്‍ഷികം ദിനത്തില്‍ അനുശോചനമര്‍പ്പിച്ച് പ്രവര്‍ത്തകര്‍
കൊയിലാണ്ടി: സി.പി.ഐ.എം മുന്‍ ജില്ലാ കമ്മറ്റി അംഗവും തൊഴിലാളി യൂനിയന്‍ നേതാവുമായിരുന്ന സി.ആര്‍. നായരുടെ ഒന്നാം ചരമവാര്‍ഷികം ആചരിച്ചു. പുഷ്പ്പാര്‍ച്ചന, അനുസ്മരണ പ്രഭാഷണം തുടങ്ങിയ പരിപാടികളോടെയാണ് പാര്‍ട്ടി പ്രവര്‍ത്തകര്‍ അനുശോചിച്ചത്.
കൊയിലാണ്ടി സെന്‍ട്രല്‍ ലോക്കല്‍ കമ്മിറ്റി സെക്രട്ടറി പി. ചന്ദ്രശേഖരന്‍ ഉദ്ഘാടനം നിര്‍വ്വഹിച്ചു. കൊയിലാണ്ടിയിലും പരിസരപ്രദേശങ്ങളിലും പാര്‍ട്ടി കെട്ടിപ്പടുത്ത് ശക്തിപ്പെടുത്തുന്നതില്‍ മുഖ്യ പങ്ക് വഹിച്ച നേതാവായിരുന്നു സി.ആര്‍ നായരെന്ന് അനുശോചിച്ചു. വീട്ട് വളപ്പില്‍ പുഷ്പ്പാര്‍ച്ചനയ്ക്ക് ശേഷം ചേര്‍ന്ന അനുസ്മരണയോഗത്തില്‍ വാര്‍ഡ് കൗണ്‍സിലര്‍ കൂടിയായ മുന്‍സിപ്പല്‍ ചെയര്‍പേര്‍സണ്‍ സുധകിഴക്കെപ്പാട്ട് അധ്യക്ഷത വഹിച്ചു.
സുന്ദരന്‍ മാസ്റ്റര്‍, ടി.വി ദാമോദരന്‍, പി.കെ. ഭരതന്‍, വി.എം അനൂപ്, യു.കെ. ചന്ദ്രന്‍, സി. സത്യചന്ദ്രന്‍, എം.വി. ബാലന്‍ എന്നിവര്‍ അനുസ്മരണ പ്രസംഗം നടത്തി. പാര്‍ട്ടി പന്തലായനി ഈസ്റ്റ് ബ്രാഞ്ച് സെക്രട്ടറി ടി.കെ. ശ്രീകുമാര്‍ സ്വാഗതവുംസി. അപ്പൂക്കൂട്ടി നന്ദിയും പറഞ്ഞു.