തുറയൂരില്‍ ബസ് ഡ്രൈവറെ മര്‍ദ്ദിച്ച സംഭവം; സ്വകാര്യ ബസുകളുടെ മിന്നല്‍ പണിമുടക്കില്‍ വലഞ്ഞ് കൊയിലാണ്ടിയിലെ യാത്രക്കാര്‍
പയ്യോളി: വടകര-കൊയിലാണ്ടി, പേരാമ്പ്ര-പയ്യോളി റൂട്ടില്‍ നടത്തിയ മിന്നല്‍ പണിമുടക്കില്‍ വലഞ്ഞ് കൊയിലാണ്ടിയിലെ യാത്രക്കാര്‍. ഇന്നലെ രാത്രി ഏറെ വൈകി പണിമുടക്ക് പ്രഖ്യാപിച്ചതിനാല്‍ പലരും ഇന്ന് രാവിലെയാണ് പണിമുടക്ക് വിവരം അറിയുന്നത്.
രാവിലെ ഏഴ് മണിയോടെയെത്തിയ വടകര- പേരാമ്പ്ര- പയ്യോളി റൂട്ടില്‍ പോകേണ്ടിയിരുന്ന ജോലിക്കാരും സ്‌കൂള്‍-കേളേജ് നിദ്യാര്‍ത്ഥികളും പലരും ലക്ഷ്യ സ്ഥാനത്ത് എത്താന്‍ ബുദ്ധിമുട്ടിലായിരിക്കുകയാണ്.
അതിരാവിലെ എത്തിയ സ്‌കൂല്‍ കുട്ടികളടക്കം കൊയിലാണ്ടി ബസ് സ്റ്റാന്‍ഡില്‍ ബസ് സര്‍വ്വീസ് നടത്തുമെന്ന് പ്രതീക്ഷയില്‍ കാത്തിരിക്കുകയാണ്. പലരും ഓട്ടോയും മറ്റും വിളിച്ച് പോകുമ്പോള്‍ ചിലര്‍ യാത്ര മുടങ്ങി തിരികെ വീട്ടിലേക്ക് പോവേണ്ട അവസ്ഥയാണ്.