പങ്കെടുത്തത് നിരവധി ഭക്തര്‍; മരളൂര്‍ മഹാദേവ ക്ഷേത്രത്തില്‍ ചെമ്പോല സമര്‍പ്പണം നടത്തി
കൊയിലാണ്ടി: മരളൂര്‍ മഹാദേവക്ഷേത്രത്തില്‍ ചെമ്പോല സമര്‍പ്പണം നടന്നു. എടമന ഉണ്ണികൃഷ്ണന്‍ നമ്പൂതിരി ഉദ്ഘാടനം ചെയ്തു. അരക്കോടി രൂപ ചിലവില്‍ ശ്രീകോവില്‍ പുനരുദ്ധാരണ പ്രവര്‍ത്തനങ്ങള്‍ ക്ഷേത്രത്തില്‍ നടന്നുവരികയാണ്.
പുനരുദ്ധാരണ കമ്മിറ്റി ചെയര്‍മാന്‍ ഉണ്ണികൃഷ്ണന്‍ മരളൂര്‍ അധ്യക്ഷത വഹിച്ച ചടങ്ങില്‍ കണ്‍വീനര്‍ കലേക്കാട്ട് രാജമണി ടീച്ചര്‍, ഗിരീഷ് പുതുക്കുടി, രമേശന്‍ രനിതാലയം, ശിവദാസന്‍ പനച്ചിക്കുന്ന്, അശോക് കുമാര്‍കുന്നോത്ത് എന്നിവര്‍ സംസാരിച്ചു.
ചടങ്ങില്‍ നിരവധി ഭക്തര്‍ ചെമ്പോല സമര്‍പ്പണം നടത്തി ഭക്തര്‍ക്ക് എനിയും ചെമ്പോല സമര്‍പ്പണം നടത്താനുള്ള സൗകര്യം ദേവസ്വം ഏര്‍പ്പെടുത്തിയിട്ടുണ്ടെന്ന് ഭാരവാഹികള്‍ അറിയിച്ചു.