കൊയിലാണ്ടി: 71 മത് സഹകരണ വാരാഘോഷവുമായി ബന്ധപ്പെട്ട് സഹകരണ സെമിനാര്‍ സംഘടിപ്പിച്ചു. സെമിനാര്‍ പന്തലായനി ബ്ലോക്ക് പഞ്ചായത്ത് പ്രസിഡണ്ട് പി ബാബുരാജ് ഉദ്ഘാടനം ചെയ്തു. ചടങ്ങില്‍ സഹകരണ അസിസ്റ്റന്റ് രജിസ്റ്റര്‍ ജനറല്‍ കൊയിലാണ്ടി ടി.സുധീഷ് മുഖ്യാതിഥിയായി. ചേമഞ്ചേരി സര്‍വ്വീസ് സഹകരണ ബാങ്ക് ഓഡിറ്റോറിയത്തിലാണ് പരിപാടി നടന്നത്.

സെമിനാറുമായി ബന്ധപ്പെട്ട സംരംഭകത്വം തൊഴില്‍ നൈപുണ്യ വികസനം എന്നിവ പ്രോത്സാഹിപ്പിക്കുന്നതിനുള്ള സഹകരണ മേഖലയുടെ പങ്ക് എന്ന വിഷയത്തെ അടിസ്ഥാനപ്പെടുത്തിയുള്ള ക്ലാസ്സ് പന്തലായനി ബ്ലോക്ക് പഞ്ചായത്ത് വ്യവസായ ഓഫീസര്‍ കെ.പി.ഷിബി കൈകാര്യം ചെയ്തു. ചടങ്ങില്‍ ചേമഞ്ചേരി ബാങ്ക് പ്രസിഡണ്ട് കെ.രവീന്ദ്രന്‍ അധ്യക്ഷത വഹിച്ചു.

ടി.വി.ഗിരിജ, ശ്രീസുദന്‍, ടി.കെ.വിജയന്‍, എന്‍ കെ രാധാകൃഷ്ണന്‍, സത്യനാഥന്‍ മാടഞ്ചേരി, മഞ്ജു മാധവന്‍ എന്നിവര്‍ സംസാരിച്ചു. ബാങ്ക് സെക്രട്ടറി ധനഞ്ജയ് സ്വാഗതം പറഞ്ഞ ചടങ്ങില്‍ ബാങ്ക് വൈസ് പ്രസിഡണ്ട് പി.കെ.സത്യന്‍ നന്ദി പറഞ്ഞു.

Summary: Chemancherry Service Cooperative Bank organized a seminar as part of the Cooperative Week celebration