കൊയിലാണ്ടി: രാഷ്ട്രപിതാവായ മഹാത്മാ ഗാന്ധിയുടെ 153-ാം ജന്മദിനം വിവിധ പരിപാടികളോടെ ആഘോഷിച്ച് ആന്തട്ട ഗവ.യു.പി.സ്കൂൾ. ഗാന്ധി ജയന്തി പരിപാടികളുടെ ഉദ്ഘാടനം ജില്ലാ ജഡ്ജ് എം.പി.ജയരാജ് നിർവഹിച്ചു. എല്ലാ ക്ലാസുകളിലും ഗാന്ധി സാന്നിധ്യം എന്ന പരിപാടിയുടെ ഭാഗമായുള്ള ഗാന്ധി ചിത്രങ്ങൾ അദ്ദേഹം അനാഛാദനം ചെയ്തു.

ഗാന്ധി ജയന്തി പരിപാടിയുടെ ഭാഗമായി വിവിധ സന്നദ്ധ സംഘടനകളുടെ സഹായത്തോടെ നടത്തുന്ന ‘സേവന വാരം ‘ ഒക്ടോബർ 8 വരെ തുടരും. പി.ടി.എ പ്രസിഡണ്ട് എ.ഹരിദാസ് അധ്യക്ഷത വഹിച്ചു. ഹെഡ്മാസ്റ്റർ എം.ജി.ബൽരാജ്, കെ.ശ്രീനിവാസ്, കെ.ബേബിരമ, ഡോ. രഞ്ജിത്ത് ലാൽ എന്നിവർ പ്രസംഗിച്ചു.

Summary: Celebrating Gandhi Jayanti with various programs at Anthatta Govt UP School