Category: Uncategorized
വാഹനങ്ങള്‍ക്കും യാത്രക്കാര്‍ക്കും ഭീഷണിയായി കോരപ്ര പൊടിയാടി റോഡിലേയ്ക്ക് വളര്‍ന്ന ചെടികള്‍; വെട്ടിത്തെളിച്ച് വൃത്തിയാക്കി കോരപ്ര ജനകീയ കൂട്ടായ്മ
കീഴരിയൂര്‍: കീഴരിയൂര്‍-തുറയൂര്‍ റോഡിലെ കോരപ്ര പൊടിയാടി ഭാഗങ്ങളില്‍ റോഡിന് ഇരുവശത്തും വളര്‍ന്ന കാടുകള്‍ വെട്ടിത്തെളിച്ച് കോരപ്ര ജനകീയ കൂട്ടായ്മ. വാഹനങ്ങള്‍ക്കും യാത്രക്കാര്‍ക്കും അപകടകരമാംവിധമായിരുന്നു കാട് റോഡിലേയ്ക്ക് വളര്‍ന്നിരുന്നത്. കണിയാണ്ടി അബ്ദുറഹിമാന്‍, സ്വപ്‌നകുമാര്‍, ജി.പി.പ്രീജിത്ത്, പൊടിയാടി ഷിജു, കെ.അനീഷ്, സി.കെ.രാജീവന്‍, പി.കെ.കൃഷ്ണന്‍, കെ.രുതീഷ്, വി.കെ.ജിനീഷ്, കെ.പവിത്രന്‍ എന്നിവര്‍ ശുചീകരണ പ്രവര്‍ത്തനങ്ങള്‍ക്ക് നേതൃത്വം നല്‍കി.
അരിക്കുളം കാരയാട് തെരുവുനായ ആക്രമണം; കടിയേറ്റ അഞ്ച് പേര്‍ ആശുപത്രിയില്‍
അരിക്കുളം: കാരയാട് തെരുവുനായ ആക്രമണത്തില്‍ പ്രദേശവാസികളായ അഞ്ച് പേര്‍ക്ക് കടിയേറ്റു. റോഡിലൂടെ കടന്നുപോയവരേയും പറമ്പില്‍ പണിയെടുക്കുകയായിരുന്നവരെയുമൊക്കെയാണ് നായ ആക്രമിച്ചത്. വലിയ പറമ്പില്‍ ഗീത, കിഴക്കെപ്പാലക്കണ്ടി ഷാജി, വലിയ പറമ്പില്‍ സന്തോഷ്, വെളുത്ത പറമ്പില്‍ കുഞ്ഞായിശ, ചാത്തന്‍കണ്ടി അബ്ദുള്ള എന്നിവര്‍ക്കാണ് കടിയേറ്റത്. ഇവരെ മെഡിക്കല്‍ കോളേജില്‍ പ്രവേശിപ്പിച്ചു. ആക്രമിച്ച നായയെ നാട്ടുകാര്‍ ചേര്‍ന്ന് പിടികൂടി കൊന്നു. പലര്‍ക്കും
‘ആദ്യമേ ഉള്ള ആഗ്രഹം, കൊട്ടിക്കയറിയപ്പോള്‍ ആവേശംകൂടി’; വെള്ളറക്കാട് തെരു ഗണപതി ക്ഷേത്രത്തില്‍ തന്റെ രണ്ട് മക്കളോടൊപ്പം ചെണ്ടമേളത്തില്‍ അരങ്ങേറ്റം കുറിച്ച് പാലക്കുളം സ്വദേശിനി ഷിജില രജീഷ്
കൊയിലാണ്ടി: ‘ആദ്യമേ ഉള്ള ആഗ്രഹമായിരുന്നു, മക്കള്‍ പഠിക്കാന്‍ തുടങ്ങിയപ്പോള്‍ പിന്നെ ഒന്നും നോക്കിയില്ല ഞാനും പഠിച്ചു’.വെള്ളറക്കാട് തെരു ഗണപതി ക്ഷേത്രത്തില്‍ തന്റെ രണ്ട് മക്കളോടൊപ്പം ചെണ്ടമേളത്തില്‍ അരങ്ങേറ്റം കുറിച്ചതിന്റെ സന്തോഷത്തിലാണ് ഷിജില രജീഷ്. പലയിടങ്ങളിലും സ്ത്രീകള്‍ ചെണ്ടമേളത്തില്‍ അരങ്ങേറ്റംകുറിച്ചിട്ടുണ്ടെങ്കിലും മക്കളോടൊപ്പം ഒരേവേദിയില്‍ അരങ്ങേറ്റംകുറിക്കുന്നത് ഇത് അപൂര്‍വ്വമാണ്. വെള്ളറക്കാട് സ്വദേശിയായ ഷിജിലയും മക്കളായ നിവേദും നീരജുമാണ് താരങ്ങള്‍.
‘ജീവിതമാണ് ലഹരി’; ലഹരിവിരുദ്ധ സന്ദേശങ്ങളുമായി കൊയിലാണ്ടി എക്‌സൈസ് റേഞ്ച് ഓഫീസ്, ഉപജില്ലാ ശാസ്ത്രമേളയില്‍ വിദ്യാര്‍ത്ഥികളില്‍ ഹരംകൊള്ളിച്ച് ബാസ്‌ക്കറ്റ്‌ബോള്‍ ചലഞ്ച്
കൊയിലാണ്ടി: കൊയിലാണ്ടി ഉപജില്ലാ ശാസ്ത്രമേളയോടനുബന്ധിച്ച് വിദ്യാര്‍ത്ഥികള്‍ക്കായി ലഹരിവിരുദ്ധ ബോധവല്‍ക്കരണ പരിപാടികള്‍ സംഘടിപ്പിച്ച് കൊയിലാണ്ടി എക്‌സൈസ് റേഞ്ച് ഓഫീസ്. രണ്ട് ദിവസം നീണ്ട പരിപാടിയില്‍ ലഹരിവിരുദ്ധ പോസ്റ്ററുകളും ബാസ്‌ക്കറ്റ്‌ബോള്‍ ചലഞ്ച്, ബോധവല്‍ക്കരണ ക്ലാസുകള്‍ എന്നിങ്ങനെയാണ് സംഘടിപ്പിച്ചത്. ഉപജില്ലാ ശാസ്ത്രമേളയുടെ ആദ്യദിനവും സമാപനദിനമായ ഇന്നും ബാസ്‌ക്കറ്റ് ബോള്‍ ചലഞ്ച് നടത്തിയിരുന്നു.ഇത് വിദ്യാര്‍ത്ഥികളെ ഹരംകൊള്ളിച്ചു. ‘ജീവിതമാണ് ലഹരി’ എന്ന ആശയം
പേരാമ്പ്രയില്‍ ബസ്സ് യാത്രയ്ക്കിടെ യുവതി കുഴഞ്ഞുവീണു; സമയോചിതമായി ഇടപെട്ട് യുവതിയെ ആശുപത്രിയിലെത്തിച്ച് കുറ്റ്യാടി- കോഴിക്കോട് റൂട്ടിലെ ബസ് ഡ്രൈവര്‍
പേരാമ്പ്ര: പേരാമ്പ്രയില്‍ ബസ്സില്‍ കുഴഞ്ഞു വീണ യുവതിയെ സമയോചിതമായി ഇടപെട്ട് ആശുപത്രിയിലെത്തിച്ച് കുറ്റ്യാടി- കോഴിക്കോട് റൂട്ടിലെ ബസ്സ് ഡ്രൈവര്‍. ഇന്ന് ഉച്ചയ്ക്ക് ഒന്നരയോടെ കുറ്റ്യാടി-കോഴിക്കോട് റൂട്ടില്‍ സര്‍വീസ് നടത്തുന്ന അദ്നാന്‍ ബസിലായിരുന്നു സംഭവം. കുറ്റ്യാടിയില്‍ നിന്നും ബസില്‍ കയറിയ യുവതിക്ക് പേരാമ്പ്രയില്‍ എത്തിയപ്പോള്‍ ശരീരാസ്വാസ്ഥ്യം അനുഭവപ്പെടുകയായിരുന്നു. തുടര്ർന്ന് ബസിലുണ്ടായിരുന്ന മറ്റു യാത്രക്കാര്‍ വിവരം ബസ് ജീവനക്കാരെ
പേരാമ്പ്രയില്‍ വ്യാജ സ്വര്‍ണ്ണംവിറ്റ് പണം കൈക്കലാക്കിയ യുവാവ് പിടിയില്‍; മുഖ്യ ആസുത്രകനായ യുവാവ് ഒളിവില്‍
പേരാമ്പ്ര: പേരാമ്പ്രയില്‍ വ്യാജ സ്വര്‍ണ്ണംവിറ്റ് പണംതട്ടിയ യുവാവ് പിടിയില്‍. ബാലുശ്ശേരി എരമംഗലം ചെറുവക്കാട്ട് കൈലാസ് (22)നെയാണ് പേരാമ്പ്ര പോലീസ് പിടികൂടിയത്. സംഭവത്തില്‍ മുഖ്യആസൂത്രകന്‍ പാലേരി വലിയ വീട്ടുമ്മല്‍ ആകാശ് (22) ഒളിവില്‍. കഴിഞ്ഞ 27 നാണ് കേസിന് ആസ്പദമായ സംഭവം. പേരാമ്പ്രയിലെ സ്വര്‍ണ്ണ വ്യാപാരത്തില്‍ 2 പവന്‍ തൂക്കം വരുന്ന സ്വര്‍ണ്ണ വളകളാണെന്ന വ്യാജേനയാണ് പ്രതികള്‍
ഈ ലക്ഷണങ്ങളുണ്ടെങ്കില്‍ ശ്രദ്ധിക്കണേ, ചിലപ്പോള്‍ നിങ്ങളെ അലട്ടുന്നത് ഫാറ്റി ലിവറാകാം
കരളില്‍ കൊഴുപ്പ് അടിഞ്ഞുകൂടുന്ന അവസ്ഥയാണ് ഫാറ്റി ലിവര്‍. മദ്യപാനികളെ മാത്രമല്ല, അല്ലാത്തവരെയും ഫാറ്റിലിവര്‍ ബാധിക്കാറുണ്ട്. ആരോഗ്യകരമല്ലാത്ത ഭക്ഷണവും വ്യായാമക്കുറവുമെല്ലാം ഈ രോഗത്തിന് കാരണമാകാം. 1. അമിത ക്ഷീണം: നിരന്തരമായ ക്ഷീണം അനുഭവപ്പെടുന്നതും ഊര്‍ജ്ജമില്ലായ്മയും ഫാറ്റി ലിവര്‍ രോഗത്തിന്റെ ലക്ഷണമായാണ് വിദഗ്ധര്‍ പറയുന്നത്. 2. വയറുവേദന: ഫാറ്റി ലിവറുള്ള ചില രോഗികള്‍ക്ക് വയറിന്റെ വലതുഭാഗത്ത് നേരിയ വേദനയോ
വൃക്കമാറ്റിവെയ്ക്കല്‍ ശസ്ത്രക്രിയയ്ക്കായി വേണ്ടത് 25 ലക്ഷത്തോളം രൂപ; ഇരുവൃക്കകളും തകരാറിലായ കീഴൂര്‍ തച്ചന്‍കുന്നിലെ മംഗലശ്ശേരി സ്വദേശി സുമനസ്സുകളുടെ സഹായം തേടുന്നു
പയ്യോളി: ഇരുവൃക്കകളും തകരാറിലായ പയ്യോളി കീഴൂര്‍ തച്ചന്‍കുന്നിലെ മംഗലശ്ശേരി ദിനേശന്റെ ചികിത്സയ്ക്കായി സുമനസ്സുകളുടെ സഹായം തേടുന്നു. വൃക്ക മാറ്റിവെയ്ക്കുവനായി 25 ലക്ഷം രൂപയാണ് ചിലവ് കണക്കാക്കുന്നത്. ആഴ്ചയില്‍ മൂന്ന് ദിവസം ഡയാലിസിസ് ചെയ്യുകയാണ് നിലവില്‍. ഭീമമായ തുകയാണ് ഇതിന് വരുന്നത്. നിലവില്‍ ജനപ്രതിനിധികളും വാര്‍ഡ് മെമ്പറും ചെയര്‍മാനായി ഒരു ചികിത്സാ സഹായ കമ്മിറ്റി രൂപീകരിച്ചിട്ടുണ്ട്. വൃക്കമാറ്റിവെയ്ക്കല്‍
അയനിക്കാട് ചോനോത്ത് വളപ്പില്‍ ലീല അന്തരിച്ചു
പയ്യോളി: അയനിക്കാട് മമ്പറംഗേറ്റ് ചോനോത്ത് വളപ്പില്‍ ലീല അന്തരിച്ചു. എഴുപത്തിയഞ്ച് വയസ്സായിരുന്നു. ഭര്‍ത്താവ്: പരേതനായ ചോനോത്ത് വളപ്പില്‍ കുഞ്ഞിപ്പാച്ചു. മക്കള്‍: അജിത, സതി ഷാജി സി.വി. മരുമക്കള്‍: ഗംഗാധരന്‍ (പാലക്കുളം), ഷിജി (നടുവണ്ണൂര്‍), പരേതനായ ശശി (വടകര). സംസ്‌ക്കാരം ഇന്ന് ഉച്ചയ്ക്ക് 12 മണിക്ക് വീട്ടുവളപ്പില്‍.
കൊല്ലം കാളോത്ത് താഴെ നാണി അന്തരിച്ചു
കൊയിലാണ്ടി: കൊല്ലം കാളോത്ത് താഴെ നാണി അന്തരിച്ചു. തൊണ്ണൂറ്റിയെട്ട് വയസ്സായിരുന്നു. ഭര്‍ത്താവ് : പരേതനായ കുത്തിരാമന്‍ കുറുപ്പ്. മക്കള്‍: വാസു , രവി, (രമ്യ ഫ്‌ലോര്‍ മില്‍), വസന്ത , മണി. മരുമക്കള്‍: സൗമിനി, സരോജിനി, വിജില, പരേതനായ ബാലകൃഷ്ണന്‍. സഹോദരങ്ങള്‍: ബാലന്‍, കാര്‍ത്ത്യായനി, ശേഖരന്‍, പരേതരായ കൃഷ്ണന്‍, മാധവി. സഞ്ചയനം ശനിയാഴ്ച.