പൂക്കാട്: രണ്ടാമത് കുടുംബസംഗമം കളറാക്കി കാലിക്കറ്റ് ഡിഫന്‍സ് സൊസൈറ്റി അംഗങ്ങള്‍. പൂക്കാട് കലാലയത്തില്‍ വച്ച് നടത്തിയ കുടുംബ സംഗമത്തില്‍ കരോക്കെ ഗാനമേളയും കുട്ടികളുടെ നൃത്തവും കുടുംബങ്ങളുടെ കലാപരിപാടിയുമൊക്കെയായി അവര്‍ ഒത്തുചേര്‍ന്നു.

ഡോ: വിനീഷ് ആരാധ്യ ഉദ്ഘാടനം ചെയ്ത ചടങ്ങില്‍ ചേമഞ്ചേരി പഞ്ചായത്ത് പ്രസിഡന്റ് സതി കിഴക്കയില്‍ മുഖ്യ അതിഥി ആയി. വാര്‍ഡ് മെമ്പര്‍ സുധ കെ. പൂക്കാട് കലാലയം പ്രസിഡന്റ് രാഘവന്‍ മാസ്റ്റര്‍ സെക്രട്ടറി സുനില്‍ കുമാര്‍, ഉസ്മാന്‍ മാഷ് എന്നിവര്‍ സംസാരിച്ചു.

ഡി.എസ്.സി സെക്രട്ടറി പ്രദീപ് കുമാര്‍ സ്വാഗതവും, രഘുനാഥ് നന്ദിയും പറഞ്ഞു. ഷാജി വൃന്ദവന്‍, പ്രമോദ് പൂക്കാട്,   പ്രമോദ് അയനിക്കാട് എന്നിവര്‍ പരിപാടിക്ക് നേതൃത്വം നല്‍കി.