മേലടി: മേലടി ബ്ലോക്ക് ക്ഷീര വികസന വകുപ്പിന്റെയും കൊഴുക്കല്ലൂർ ക്ഷീരോൽപ്പാദക സഹകരണ സംഘത്തിന്റെയും സംയുക്താഭിമുഖ്യത്തിൽ 2023 – 24 വർഷത്തെ ബ്ലോക്ക് തല കാലിത്തീറ്റ വിതരണ ഉദ്ഘാടനവും കർഷക സമ്പർക്ക പരിപാടിയും സംഘടിപ്പിച്ചു.

മേലടി ബ്ലോക്ക് പഞ്ചായത്ത് പ്രസിഡണ്ട് സുരേഷ് ചങ്ങാടത്ത് പരിപാടി ഉദ്ഘാടനം ചെയ്തു. ഡി.എഫ്.ഐ ശിജിന, അമ്പിളി എൻ.കെ. എന്നിവർ വിവിധ വിഷയങ്ങളിൽ ക്ലാസെടുത്തു.

ചടങ്ങിൽ ബ്ലോക്ക് വികസന സ്റ്റാന്റിംഗ് കമ്മറ്റി ചെയർമാൻ എം.എം. രവീന്ദ്രൻ അദ്ധ്യക്ഷത വഹിച്ചു. ക്ഷേമകാര്യ സ്റ്റാന്റിംഗ് കമ്മറ്റി ചെയർമാൻ മഞ്ഞക്കുളം നാരായണൻ, ആരോഗ്യ വിദ്യാഭ്യാസ ചെയർപേഴ്സൺ ലീന പുതിയോട്ടിൽ, ബ്ലോക്ക് മെമ്പർ എം.പി ബാലൻ, മേപ്പയൂർ ഗ്രാമ പഞ്ചായത്ത് മെമ്പർ കെ.കെ. ലീല എന്നിവർ ആശംസ പ്രസംഗം നടത്തി. ക്ഷീര സംഘം പ്രസിഡണ്ട് അനിത കെ.കെ. സ്വാഗതവും കൊഴുക്കല്ലൂർ ക്ഷീര സംഘം സെക്രട്ടറി കെ. പി വിജയൻ നന്ദിയും പറഞ്ഞു.