”സൈക്കിള് കണ്ടോര് ആരെങ്കിലുമുണ്ടെങ്കില്‍ എന്നെ അറിയിക്കണേ” കൊയിലാണ്ടി കൊല്ലത്തെ കുഞ്ഞുശ്രാവണിന്റെ സൈക്കിള് കണ്ടെത്താന്‍ സഹായിക്കാമോ?
കൊയിലാണ്ടി: കൊയിലാണ്ടി കൊല്ലം ഊരുചുറ്റല്‍ റോഡിന് സമീപത്തുള്ള അജയകുമാറിന്റെ മകന്‍ അഞ്ചാം ക്ലാസുകാരനായ ശ്രാവണ്‍ കൊയിലാണ്ടിക്കാരുടെ സഹായം തേടുകയാണ്, കാണാതായ തന്റെ സൈക്കിള് കണ്ടെത്താന്‍. തിങ്കളാഴ്ച രാത്രിയാണ് വീട്ടുമുറ്റത്ത് നിര്‍ത്തിയിട്ടിരുന്ന ശ്രാവണിന്റെ സൈക്കിള് കാണാതായത്.
വെളുത്തനിറത്തിലുള്ള ഹാഷ്ടാഗ് എന്ന സൈക്കിള് തനിക്ക് ഏറെ പ്രിയപ്പെട്ടതായിരുന്നുവെന്ന് ശ്രാവണ്‍ പറയുന്നു. ”സൈക്കിള് എടുത്തോര് ആരെങ്കിലുമുണ്ടെങ്കില്‍ എനിക്ക് കൊണ്ടത്തരണേ, കണ്ടോര് ആരെങ്കിലും ഉണ്ടെങ്കില്‍ എന്നെ അറിയിക്കണേ. 7012848586 എന്ന നമ്പറില്‍ അറിയിച്ചാല്‍ മതി” ശ്രാവണ്‍ അഭ്യര്‍ത്ഥിക്കുന്നു.