കൊയിലാണ്ടി: കൊയിലാണ്ടി റെയിൽവേ സ്റ്റേഷനിൽ നിന്നും ബൈക്ക് മോഷ്ടിച്ച് കടന്നുകളയാൻ ശ്രമിക്കുന്നതിനിടെ പ്രതി പോലിസ് പിടിയിലായി. ബാലുശ്ശേരി പൂനൂർ സ്വദേശി ഇരുൾ കുന്നുമ്മൽ യാസിൽ( 27) ആണ് പിടിയിലായത്. പുലർച്ചെ 4 മണിയോടെയാണ് സംഭവം.

കൊയിലാണ്ടി പെരുവട്ടൂർ സ്വദേശിയുടേതാണ് ബൈക്ക്. യുവാവ് ബൈക്ക് റെയിൽവേ സ്റ്റേഷനിൽ നിർത്തിയിട്ട് ജോലിക്ക് എറണാകുളത്തേക്ക് പോയതായിരുന്നു. ഇതിനിടെയാണ് യാസിർ പുലർച്ചെ സ്റ്റേഷൻ പരിസരത്ത് എത്തി ബൈക്ക് മോഷ്ടിച്ച് കടന്നു കളയാൻ ശ്രമിച്ചത്.

കൈ കാണിച്ചിട്ടും നിര്‍ത്താതെ പോകാന്‍ ശ്രമിച്ച ബൈക്കിനെ പോലീസ് തടയുകയും ഇതോടെ പ്രതി ബൈക്ക് ഉപേക്ഷിച്ച് ഓടി രക്ഷപ്പെടാന്‍ ശ്രമിക്കുകയായിരുന്നു. സാഹസികമായി പിന്തുടര്‍ന്നാണ് പോലീസ് യുവാവിനെ പിടികൂടിയത്.

നൈറ്റ് പെട്രോളിങ് ഡ്യൂട്ടിയിൽ ഉണ്ടായിരുന്ന എസ് ഐ ഗിരീഷ് കെ പി, സീനിയർ സിവിൽ പോലീസ് ഓഫീസർ സിനി രാജ്. ഡ്രൈവർ ഗംഗേഷ് എന്നിവർ ചേർന്നാണ് പ്രതിയെ സാഹസികമായി പിടികൂടിയത്.

ഇയാളെ ഇന്ന് കോടതിയിൽ ഹാജരാക്കും. യാസിർ നിരവധി മോഷണ കേസ്സിൽ പ്രതിയാണെന്ന് പോലിസ് പറഞ്ഞു.