പെണ്‍കുട്ടികള്‍ക്ക് നേരെയുള്ള അതിക്രമങ്ങള്‍ തടയാന്‍ അവരെ പ്രാപ്തരാക്കാം; ശാരീരിക പ്രതിരോധ പരിശീലന പരിപാടിക്ക് തുടക്കമിട്ട് ആന്തട്ട ഗവ. യു.പി സ്‌കൂള്‍
കൊയിലാണ്ടി: പെണ്‍കുട്ടികള്‍ക്കു നേരെയുള്ള അതിക്രമങ്ങള്‍ തടയാന്‍ ശാരീരിക പ്രതിരോധ പരിശീലന പരിപാടിയുമായി ആന്തട്ട ഗവ. യു.പി. സ്‌കൂള്‍. സമഗ്ര ശിക്ഷാ കേരളയുടെ സഹായത്തോടെ കളരി പരിശീലനവും പി.ടി.എ സഹായത്തോടെ കരാട്ടെ പരിശീലനവുമാണ് സ്‌കൂളില്‍ ആരംഭിച്ചത്.
പ്രതിരോധ പരിശീലനത്തിന്റെ ഉദ്ഘാടനം മുന്‍ എം.എല്‍.എ പി. വിശ്വന്‍ നിര്‍വഹിച്ചു. പി.ടി.എ പ്രസിഡണ്ട് എ.ഹരിദാസ് അധ്യക്ഷത വഹിച്ചു. എം.എല്‍.എ കെ.ദാസന്‍, പന്തലായനി ബി.പി.സി ദീപ്തി, കളരി പരിശീലകന്‍ കെ.സി.ദിനേശ് പ്രസാദ്, കരാട്ടെ പരിശീലകന്‍ ജയപ്രകാശ് കോഴിക്കോട്, എം.കെ. വേലായുധന്‍ എന്നിവര്‍ പ്രസംഗിച്ചു. ഹെഡ്മാസ്റ്റര്‍ എം.ജി ബല്‍രാജ് സ്വാഗതവും പി.ടി.കെ രാജേഷ് നന്ദിയും പറഞ്ഞു.
