കുഞ്ഞു വിദ്യാര്‍ഥികള്‍ക്കായുള്ള കിഡ്‌സ് ഫെസ്റ്റും വിജയികള്‍ക്ക് അനുമോദനവും; എടക്കുളം വിദ്യാതരംഗിണി എല്‍.പി സ്‌കൂളില്‍ വാര്‍ഷികാഘോഷം
പൊയില്‍ക്കാവ്: എടക്കുളം വിദ്യാതരംഗിണി എല്‍.പി സ്‌കൂള്‍ വാര്‍ഷിക ആഘോഷം (നാമ്പൊലി) നടത്തി. പരിപാടിയുടെ ഭാഗമായി ലയണ്‍സ് ക്ലബ്ബ് കൊയിലാണ്ടിയുമായി സഹകരിച്ച് ചെങ്ങോട്ടുകാവ്, ചേമഞ്ചേരി പഞ്ചായത്തിലെ അംഗന്‍വാടി, എല്‍.കെ.ജി, യു.കെ.ജി വിദ്യാര്‍ത്ഥികള്‍ക്കായുള്ള കിഡ്‌സ് ഫെസ്റ്റ് (മെരി കബ്‌സ്) സംഘടിപ്പിച്ചു.
വാര്‍ഷിക ആഘോഷം പന്തലായനി ബ്ലോക്ക് പഞ്ചായത്ത് പ്രസിഡണ്ട് പി.ബാബുരാജ് ഉദ്ഘാടനം ചെയ്തു. സ്‌കൂള്‍ മാനേജര്‍ ഗിരീഷ് ചന്ദ്രന്‍ അധ്യക്ഷനായി. കുമാരി കൃഷ്ണശ്രീ മുഖ്യാതിഥി ആയിരുന്നു. ഗ്രാമ പഞ്ചായത്ത് പ്രസിഡണ്ടുമാരായ സതി കിഴക്കയില്‍, ഷീബ മലയില്‍ വാര്‍ഡ് മെമ്പര്‍മാരായ തങ്കം ആറാം കണ്ടത്തില്‍, ജയശ്രീ മനത്താനത്ത്, വേണുഗോപാല്‍, സോമസുന്ദരന്‍, പി.ടി.എ പ്രസിഡണ്ട് ഒ.ബാലന്‍, പ്രവിഷ, സ്വാതി ശ്രീരാജ്, കെ.പ്രജീഷ്, സംഗീത.യു.കെ, റീഷ്മ ബാലകൃഷ്ണന്‍, നദാഷ, റിയാസ്.ഇ.കെ എന്നിവര്‍ സംസാരിച്ചു.
വിവിധ മേഖലകളില്‍ വിജയികളായവരെ അനുമോദിച്ചു. പ്രധാന അധ്യാപിക എ.അഖില സ്വാഗതവും പ്രോഗ്രാം കമ്മറ്റി ചെയര്‍മാന്‍ എം.നിഷിത്ത് കുമാര്‍ നന്ദിയും രേഖപ്പെടുത്തി.