ചേമഞ്ചേരിയില്‍ വയോധികന്‍ കിണറ്റില്‍ വീണ് മരിച്ച നിലയില്‍
ചേമഞ്ചേരി: അഭയം സ്‌പെഷ്യല്‍ സ്‌കൂളിനടുത്ത് കിണറ്റില്‍ വയോധികന്‍ മരിച്ച നിലയില്‍. ചേമഞ്ചേരി പള്ളി കൊളക്കാട് റോഡ് കാര്യത്ത് താമസിക്കും പൂളക്കണ്ടി അബൂബക്കറാണ് മരണപ്പെട്ടത് 74 വയസായിരുന്നു. വെള്ളിയാഴ്ച വൈകുന്നേരം ഏഴ് മണിയോടുകൂടി വീട്ടുപറമ്പിലെ 40 അടിയോളം താഴ്ചയുള്ള കിണറ്റില്‍ വീഴുകയായിരുന്നു.
വിവരം കിട്ടിയതിനെ തുടര്‍ന്ന് കൊയിലാണ്ടിയില്‍ നിന്നും അഗ്‌നിരക്ഷാസേന എത്തുകയും ഫയര്‍ ആന്‍ഡ് റെസ്‌ക്യൂ ഓഫീസര്‍ എം.വി.ശ്രീരാഗ് ചെയര്‍നോട്ടിന്റെ സഹായത്തോടുകൂടി കിണറ്റില്‍ ഇറങ്ങുകയും സേനാംഗങ്ങളുടെ സഹായത്തോടുകൂടി മൃതദേഹം പുറത്തെത്തിക്കുകയും ചെയ്തു. തുടര്‍ന്ന് കൊയിലാണ്ടി താലൂക്ക് ആശുപത്രിയിലെത്തി മരണം സ്ഥിരീകരിക്കുകയായിരുന്നു.
ഗ്രേഡ് എ.എസ്.ടി.ഒ പി.കെ.ബാബുവിന്റെ നേതൃത്വത്തില്‍ ഫയര്‍ ആന്‍ഡ് റെസ്‌ക്യൂ ഓഫീസര്‍മാരായ വി.കെ.ബിനീഷ്,ഷിജു.ടി.പി, ബബീഷ്.പി.എം, റനീഷ്.പി.കെ, സജിത്.പി, ഹോം ഗാര്‍ഡ് സുജിത്ത് എന്നിവര്‍ രക്ഷാപ്രവര്‍ത്തനത്തില്‍ ഏര്‍പ്പെട്ടു.