അലയന്‍സ് ക്ലബ്ബ് ഇന്റര്‍നാഷണല്‍ ജില്ലാ 224 (എസ്) കണ്‍വന്‍ഷനും അവാര്‍ഡ് വിതരണവും നടത്തി കൊയിലാണ്ടി അലയന്‍സ് ക്ലബ്ബ്
കൊയിലാണ്ടി: കാസര്‍ഗോഡ് മുതല്‍ മലപ്പുറം ജില്ലകള്‍ വരെയുള്ള അലയന്‍സ് ക്ലബ് ഇന്റര്‍നാഷണല്‍ ഡിസ്ട്രിക്ട് 224 (എസ്), കേരളയുടെ കണ്‍വന്‍ഷനും അവാര്‍ഡ് വിതരണം നടത്തി. ഇന്നലെ വൈകീട്ട് കൊയിലാണ്ടി അലയന്‍സ് ഹാളില്‍ വച്ച് നടന്ന പരിപാടിയില്‍ ഡിസ്ട്രിക്ട് ഗവര്‍ണര്‍ ഷമീര്‍ കളത്തിങ്കലിന്റെ അധ്യക്ഷതയില്‍ നഗരസഭ വൈസ് ചെയര്‍മാന്‍ കെ. സത്യന്‍ കണ്‍വന്‍ഷന്‍ ഉദ്ഘാടനം ചെയ്തു.
പുതിയ ഭാരവാഹികളുടെ സ്ഥാനാരോഹണം മുന്‍ ഗവര്‍ണര്‍ കെ.സുരേഷ് ബാബു നടത്തി. പുതിയ ഭാരവാഹികളായി ഹാഫിസ് വലിയ പറമ്പത്ത് (ഡിസ്ട്രിക്ട് ഗവര്‍ണര്‍) വി.പി. സുകുമാരന്‍ (വൈസ് ഗവര്‍ണര്‍) സാജിത് തിരൂര്‍ സെക്രട്ടറിയായും കെ.ടി. സെബാസ്റ്റ്യന്‍ ട്രഷറര്‍, വിജയന്‍ ഇളയാടത്ത്, മനോജ് തലശ്ശേരി (പി.ആര്‍.ഒ) എന്നീ സ്ഥാനങ്ങളിലേക്ക് തെരഞ്ഞെടുത്തു.
റിനില്‍ മനോഹര്‍, വിജയന്‍ ഇളയാടത്ത്, വി.പി. സുകുമാരന്‍, നൗഷാദ് ടി.എം, നിസ്സാം തിരൂര്‍, അബ്ദുള്‍ റസാഖ് ഹാജി തുടങ്ങിയവര്‍ പരിപാടിയില്‍ സംസാരിച്ചു.