ചെങ്ങോട്ട്കാവ്: ചെങ്ങോട്ട്കാവില്‍ വാഹനങ്ങള്‍ കൂട്ടിയിടിച്ച് അപകടം. വന്‍ ഗതാഗതക്കുരുക്ക്. ഇന്ന് രാത്രി 8 മണിയോടെയാണ് സംഭവം. ചെങ്ങോട്ട്കാവ് മേല്‍പ്പാലത്തില്‍ മൂന്ന് കാറുകള്‍ ഒന്നിന് പിറകെ മറ്റൊന്നുമായി കൂട്ടിയിടിച്ചാണ് അപകടം. അപകടത്തില്‍ ഒരാള്‍ക്ക് പരിക്കേറ്റിട്ടുണ്ട്.

ഐ.ടെണ്‍ കാര്‍ വാഗനാറിന്റെ പിറകില്‍ ഇടിക്കുകയും വാഗനാര്‍ വാഹനം ഇന്നോവയ്ക്കും ഇടിക്കുകയായിരുന്നു. കൊയിലാണ്ടി ഭാഗത്തേയ്ക്കും പൊയില്‍ക്കാവ് ഭാഗത്തേയ്ക്കും വലിയ ഗതാഗതക്കുരുക്കാണ് അനുഭവപ്പെടുന്നത്.  നിലവില്‍ കൊയിലാണ്ടി പോലീസ് സ്ഥലത്തെത്തി ഗതാഗതം നിയന്ത്രിക്കുന്നു. പരിക്കേറ്റയാളെ ആശുപത്രിയിലേയ്ക്ക് മാറ്റിയിട്ടുണ്ടെന്നാണ് ലഭിക്കുന്ന വിവരം.

Summary: Accident involving three vehicles on Chengotkao Bridge; Massive traffic jam.