കണ്ണൂർ: സിനിമാ തിയേറ്ററിൽ വാട്ടർ ടാങ്ക് തകർന്ന് വീണ് അപകടം. സിനിമ കാണാനെത്തിയ രണ്ട് പേർക്ക് പരിക്കേറ്റു. മട്ടന്നൂർ സഹിന തീയേറ്ററിലാണ് സംഭവം. സിനിമാ പ്രദർശനം നടക്കുന്നതിനിടെയായിരുന്നു അപകടം .

തിയേറ്ററിൻ്റെ മേൽക്കൂരയിലേക്ക് ടാങ്ക് തകർന്ന് വീഴുകയായിരുന്നു. തുടർന്ന് മേൽക്കൂരയുടെ ഒരു ഭാഗം തകർന്ന് സിനിമാ പ്രദർശനം നടക്കുന്ന ഹാളിനുള്ളിലേക്ക് വീണു. വാട്ടർ ടാങ്കിനൊപ്പം കോൺക്രീറ്റ് സ്ലാബും താഴേക്ക് അടർന്നു വീണിരുന്നു. ഈ ഭാഗത്ത് ഇരുന്നവർക്കാണ് പരിക്ക് പറ്റിയത്.