കിളികൊല്ലൂര്‍: നഗ്‌നചിത്രം കൈക്കലാക്കി ഭീഷണിപ്പെടുത്തിയ യുവാവ് പിടിയില്‍. പാലക്കാട് മലമ്പുഴ കൊറ്റക്കാട് കിഴക്കേപ്പുരയില്‍ മിഥുന്‍ (27) ആണ് കിളികൊല്ലൂര്‍ പോലീസിന്റെ പിടിയിലായത്. സാമൂഹ്യമാധ്യമം വഴി പരിചയത്തിലായ പെണ്‍കുട്ടിയുടെ നഗ്നചിത്രം കൈക്കലാക്കിയാണ് ഇയാള്‍ ഭീഷണിപ്പെടുത്തിയത്.

തന്നെ വിവാഹം കഴിക്കണമെന്നും ഇല്ലെങ്കില്‍ നഗ്‌നചിത്രങ്ങള്‍ പ്രചരിപ്പിക്കുമെന്നുമായിരുന്നു ഇയാള്‍ ഭീഷണിപ്പെടുത്തിയിരുന്നത്. തുടര്‍ന്ന് പെണ്‍കുട്ടി പരാതി നല്‍കുകയായിരുന്നു. സൈബര്‍ സെല്ലിന്റെ സഹായത്തോടെയാണ് പ്രതിയെ പിടികൂടിയത്.

കിളികൊല്ലൂര്‍ പോലീസ് ഇന്‍സ്‌പെക്ടര്‍ ഉമറുള്‍ ഫറുക്കിന്റെ നേതൃത്വത്തില്‍ എസ്.ഐ.മാരായ ശ്രീജിത്ത്, സന്തോഷ്‌കുമാര്‍ സി.പി.ഒ.മാരായ സാജ്, രാജീവ്കുമാര്‍, അനിതകുമാരി എന്നിവര്‍ ചേര്‍ന്നാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

Summary: A young man who took a nude picture and threatened him was arrested.