ചേമഞ്ചേരി: വെങ്ങളത്ത് യുവാവ് ട്രെയിൻ തട്ടി മരിച്ച നിലയിൽ. വെങ്ങളം റെയിൽവേ ഓവർ ബ്രിഡ്ജിനു സമീപത്താണ് മൃതദേഹം കണ്ടെത്തിയത്. ആളെ ഇതുവരെ തിരിച്ചറിഞ്ഞില്ല.

ഇന്ന് രാവിലെ 11 മണിയോടെയാണ് മൃതദേഹം കണ്ടെത്തിയത്. ശരീരഭാഗങ്ങൾ മുറിഞ്ഞ നിലയിലാണ് കണ്ടെത്തിയതെന്ന് പോലീസ് കൊയിലാണ്ടി ന്യൂസ് ഡോട്ട് കോമിനോട് പറഞ്ഞു. ഏകദേശം മുപ്പത്തിയഞ്ച് വയസ്സ് തോന്നിക്കുന്ന യുവാവാണ് മരിച്ചത്.

കയ്യിൽ നിറയെ ചരടുകളുള്ളതായി പോലീസ് പറഞ്ഞു. മൃതദേഹം കോഴിക്കോട് മെഡിക്കൽ കോളേജ് മോർച്ചറിയിലേക്കു മാറ്റി. ഏത് തീവണ്ടി തട്ടിയാണെന്നോ എങ്ങനെയാണോ മരണം സംഭവിച്ചതെന്നോ വ്യക്തമായിട്ടില്ല.