മലപ്പുറം: താനൂരില്‍ ട്രയിനില്‍ നിന്നും വീണ് യുവാവിന് പരിക്ക്. ഉളളിയേരി സ്വദേശിയായ സി.കെ വിപിനാണ് പരിക്കേറ്റത്. കാലിനും തലയ്ക്കും ഗുരുതരമായി പരിക്കേറ്റ വിപിനെ കോഴിക്കോട് മെഡിക്കല്‍ കോളേജില്‍ പ്രവേശിപ്പിച്ചിട്ടുണ്ട്.

താനൂര്‍ തെയ്യാല ഗേറ്റിന് സമീപമാണ് ഇയാളെ ട്രയിനില്‍ നിന്നും വീണ നിലയില്‍ ഇന്ന് രാവിലെ കണ്ടെത്തിയത്. കോഴിക്കോട് നിന്ന് ഷൊര്‍ണ്ണൂരിലേക്ക് പോവുകയായിരുന്ന ട്രയിനില്‍ നിന്നാണ് വീണത്. നാട്ടുകാര്‍ വിവരമറിയിച്ചതിനെ തുടര്‍ന്ന് ടി.ഡി ആര്‍ എഫ് പ്രവര്‍ത്തകര്‍ ഉള്‍പ്പടെ ഇയാളെ ആശുപത്രിയില്‍ പ്രവേശിപ്പിക്കുകയായിരുന്നു.