കൊയിലാണ്ടിയില്‍ ടാങ്കര്‍ ലോറിയും സ്‌കൂട്ടറും കൂട്ടിയിടിച്ചുണ്ടായ അപകടം; മരിച്ചത് കോരപ്പുഴ സ്വദേശിനി
കൊയിലാണ്ടി: കൊയിലാണ്ടിയില്‍ ടാങ്കര്‍ ലോറിയും സ്‌കൂട്ടിയും കൂട്ടിയിടിച്ചുണ്ടായ അപകടത്തില്‍ മരിച്ചത് കോരപ്പുഴ സ്വദേശിനി. കോരപ്പുഴ അഖില നിവാസില്‍ ഷൈജ (48) ആണ് ഇന്ന് വൈകുന്നേരം അപകടത്തില്‍ മരണപ്പെട്ടത്.
ഇന്ന് 6.45 ഓടെയാണ് കൊയിലാണ്ടി ചിത്രാ ടാക്കീസിന് സമീപമാണ് അപകടം ഉണ്ടായത്. ടാങ്കര്‍ സ്‌കൂട്ടറില്‍ ഇടിച്ച ശേഷം കുറച്ചു ദൂരം റോഡിലൂടെ കൊണ്ടുപോവുകയായിരുന്നു.
കോഴിക്കോട് ഭാഗത്തേയ്ക്ക് പോവുകയായിരുന്ന KL 32 E058 നമ്പര്‍ ലോറിയും കൊയിലാണ്ടി ഭാഗത്തേയ്ക്ക് വരികയായിരുന്ന സ്‌കൂട്ടറുമാണ് കൂട്ടിയിടിച്ചത്. പരിക്കേറ്റ ഷൈജയെ കൊയിലാണ്ടി താലൂ്ക്ക് ആശുപത്രിയില്‍ പ്രവേശിപ്പിച്ചെങ്കിലും അപ്പോഴേയ്ക്കും മരണപ്പെടുകയായിരുന്നു.
അച്ഛൻ :മരപ്പുറക്കൽ ചന്ദ്രൻ,
അമ്മ : ലീല,
ഭര്‍ത്താവ് : അനിലേഷ് (റിട്ടയേര്‍ഡ് സി ആര്‍ പി എഫ്,കോണ്‍ഗ്രസ്സ് കാപ്പാട് മണ്ഡലം സെക്രെട്ടറി )
മക്കള്‍ :പരേതയായ അനഘ, ആദിത്യന്‍. മൃതദേഹം കോഴിക്കോട് മെഡിക്കല്‍ കോളേജില്‍.
സഹോദരങ്ങൾ :അനിൽ, സുനിൽ, അജിത