കൊയിലാണ്ടി: മാഹി റെയില്‍വേ സ്റ്റേഷന്‍ പരിസരത്ത് നിന്ന് സ്‌കൂട്ടര്‍ മോഷ്ടിച്ച കേസില്‍ കൊയിലാണ്ടി സ്വദേശി പിടിയില്‍. എടക്കുളം സ്വദേശി സൂര്യന്‍(24) ആണ് പിടിയിലായത്. ന്യൂ മാഹി സ്വദേശിയുടെ സ്‌കൂട്ടര്‍ ആണ് മോഷണം പോയത്.

ഇക്കഴിഞ്ഞ ഡിസംബര്‍ 6ാം തിയതി മാഹി റെയില്‍വേ സ്റ്റേഷന്‍ പരിസരത്ത് നിര്‍ത്തിയിട്ട സ്‌കൂട്ടര്‍ 8 ആം തിയതി തിരിച്ച് വന്നപ്പോള്‍ കണ്ടില്ല. തുടര്‍ന്ന് യുവാവ് ചോമ്പാല പോലിസില്‍ പരാതി നല്‍കുകയായിരുന്നു. അന്വേഷണത്തില്‍ സൂര്യന്‍ സ്‌കൂട്ടറുമായി പോകുന്ന സിസിടിവി ദൃശ്യങ്ങള്‍ പൊലീസ് കണ്ടെത്തി. കൊയിലാണ്ടിയില്‍ വെച്ച് കളവ് ചെയ്ത ബാറ്ററിയുമായി ഇതേ സ്‌കൂട്ടറില്‍ സഞ്ചരിക്കവെ കൊയിലാണ്ടി പോലീസിന്റെ പിടിയിലായി. തുടര്‍ന്ന് റിമാന്റിലായ സൂര്യന്‍ ജാമ്യത്തിലിറങ്ങി ഒളിവില്‍ പോയി.

ഇന്നലെ ചോമ്പാല പൊലീസ് കൊയിലാണ്ടിയില്‍ നിന്ന് പ്രതിയെ പിടികൂടി. കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്റ് ചെയ്തു. നിരവധി മോഷണക്കേസില്‍ പ്രതിയാണ് പിടിയിലായ സൂര്യനെന്ന് പോലീസ് പറഞ്ഞു.

Summary: A scooter parked in Mahi railway station premises was stolen; Chompala, a native of Koyilandy arrested