അഞ്ചാംപീടിക: കാര്യാട് കോഴിക്കൂട്ടിൽ കയറി ഭീമൻ പെരുമ്പാമ്പ്. കാരയാട് തണ്ടയില്‍ താഴ വാവുള്ളാട്ട് അഷ്‌റുവിന്റെ വീട്ടിലെ കോഴിക്കൂട്ടിലാണ് പെരുമ്പാമ്പിനെ കണ്ടെത്തിയത്. കോഴികളെ വിഴുങ്ങുകയും ചെയ്തിട്ടുണ്ട്.

ഇന്ന് രാവിലെ കോഴികളെ നോക്കാനായി ഉടമസ്ഥൻ ചെന്നപ്പോൾ കൂട്ടില്‍ പെരുമ്പാമ്പ് കിടക്കുന്നതായി കാണുകയായിരുന്നു. നിരവധി കോഴികളെ ഒരുമിച്ച് വളര്‍ത്തുന്ന വലിയ കൂടാണ്. ഇതില്‍ നാല് കോഴികളെ പാമ്പ് തിന്നുവെന്നാണ് പ്രഥമിക വിവരം.

പെരുവണ്ണാമുഴി ഫോറസ്റ്റ് അധികൃതരെ വിവരമറിയിച്ചിട്ടുണ്ടെന്നും അവരെത്തിയ ശേഷം പെരുമ്പാമ്പിനെ അവിടെ നിന്നും മാറ്റുമെന്നും നാട്ടുകാര്‍ കൊയിലാണ്ടി ന്യൂസ് ഡോട്ട് കോമിനോട് പറഞ്ഞു. പാമ്പിനെ കാണാനുള്ള കൗതുകത്തിൽ പലരും സ്ഥലത്തെത്തുന്നുണ്ട്.

വീഡിയോ കാണാം…

summary: a python was found in the chicken coop of vavullat house in karayad thadayilthazha