ചെങ്ങോട്ടുകാവ്: മേല്‍പ്പാലത്തിന് സമീപം സ്വകാര്യ ബസും ഇരുചക്രവാഹനങ്ങളുമായി പോകുകയായിരുന്ന ട്രക്കും കൂട്ടിയിടിച്ച് അപകടം. ഇന്ന് മൂന്നുമണിയോടെയായിരുന്നു സംഭവം. കോഴിക്കോട് നിന്നും വടകര ഭാഗത്തേക്ക് വരികയായിരുന്ന സ്വകാര്യ ബസ് കോഴിക്കോട് ഭാഗത്തേക്ക് പോകുകയായിരുന്ന ട്രക്കില്‍ ഇടിക്കുകയായിരുന്നു.

അപകടത്തില്‍ ട്രക്ക് ഡ്രൈവര്‍ക്ക് പരിക്കേറ്റു. കണ്ണൂര്‍ സ്വദേശിയാണ്. ഇയാളെ കൊയിലാണ്ടി താലൂക്ക് ആശുപത്രിയിലേക്ക് കൊണ്ടുപോയി.