യൂണിയന്‍ ചെയര്‍പേഴ്‌സണ്‍ അനുവര്‍ണ്ണ സത്യപ്രതിജ്ഞ ചെയ്ത് സ്ഥാനമേറ്റു; എസ്.എന്‍.ഡി.പി കോളേജില്‍ പുതിയ കോളേജ് യൂണിയന്‍ പ്രവര്‍ത്തനം തുടങ്ങി
കൊയിലാണ്ടി: എസ്.എന്‍.ഡി.പി കോളേജിന്റെ 2024-25 വര്‍ഷത്തെ കോളേജ് യൂണിയന്‍ ഉദ്ഘാടനം കേരള ടൂറിസം ഇന്‍ഫ്രാസ്ടക്ചര്‍ ലിമിറ്റഡ് ചെയര്‍മാന്‍ എസ്.കെ.സജീഷ് നിര്‍വ്വഹിച്ചു. കലാലയ രാഷ്ട്രീയത്തിന്റെ അനിവാര്യതയും അതിലൂടെയുള്ള സാമൂഹ്യ പ്രതിബദ്ധതയെയും കുറിച്ച് അദ്ദേഹം വിശദീകരിച്ചു.
സിനിമതാരവും മിമിക്രി ആര്‍ട്ടിസ്റ്റുമായ നിര്‍മല്‍ പാലാഴി മുഖ്യ അതിഥിയായി. കോളേജ് പ്രിന്‍സിപ്പാള്‍ ഡോ. സുജേഷ് സി.പി.അധ്യക്ഷത വഹിച്ച ചടങ്ങിനു സ്റ്റാഫ് അഡൈ്വസര്‍ ഡോ.ഹര്‍ഷ.എന്‍ സ്വാഗതം പറഞ്ഞു. ചാന്ദിനി.പി.എം, ഡോ. ശ്വേത.എസ് എന്നിവര്‍ ചടങ്ങില്‍ ആശംസകള്‍ നേര്‍ന്നു. കോളേജ് യൂണിയന്‍ ചെയര്‍പേഴ്‌സണ്‍ എം.വി.അനുവര്‍ണ്ണ സത്യപ്രതിജ്ഞ ചെയ്തു.
കോളേജ് യൂണിയന്‍ ചെയര്‍പേഴ്‌സണ്‍ അനുവര്‍ണ്ണ.എം.വി സത്യപ്രതിജ്ഞ ചെയ്ത് സ്ഥാനമേല്‍ക്കുകയും തുടര്‍ന്നു എല്ലാ യൂണിയന്‍ ഭാരവാഹികളും അനുവര്‍ണ്ണയുടെ അധ്യക്ഷതയില്‍ സത്യപ്രതിജ്ഞ ചെയ്തു. ജോയിന്റ് സെക്രട്ടറിയായ ഹമ്‌ന ഷെറിന്‍ നന്ദി പറഞ്ഞു. തുടര്‍ന്ന് വിദ്യാര്‍ത്ഥികളുടെ വിവിധ കലാപരിപാടികളും അരങ്ങേറി.