ചേവായൂര്‍ ബേങ്ക് ഇലക്ഷന്‍; കോണ്‍ഗ്രസിന്റെ ഔദ്യോഗിക വാഹനത്തിന് നേരെ തിരുവങ്ങൂരും വെങ്ങളത്തും വെച്ച് കല്ലേറ്
കൊയിലാണ്ടി: ചേവായൂര്‍ ബേങ്ക് ഇലക്ഷനില്‍ വോട്ടര്‍മാരെ എത്തിക്കാന്‍ കോണ്‍ഗ്രസിന്റെ ഔദ്യോഗിക പാനല്‍ ഏല്‍പ്പിച്ച നാല് വാഹനങ്ങള്‍ക്ക് നേരെ മൂവര്‍ സംഘത്തിന്റെ ആക്രമണം. ഇന്ന് പുലര്‍ച്ചെ 5.15 ഓടെയാണ് തിരുവങ്ങൂരിലും വെങ്ങളത്തും വെച്ച് വാഹനങ്ങള്‍ക്ക് നേരെ ആക്രമണമുണ്ടായത്.
കൊയിലാണ്ടി ഭാഗത്തു നിന്നും വരികയായിരുന്ന നാല് ക്രൂയിസര്‍ വാഹനത്തിന് നേരെ ചേമഞ്ചേരി തിരുവങ്ങൂരില്‍ വെച്ചാണ് അക്രമം ഉണ്ടായത്. വാഹനങ്ങളുടെ മുന്‍ഗ്ലാസും സൈഡ് ഗ്ലാസും തകര്‍ന്നിട്ടുണ്ട്. സംഭവത്തില്‍ കൊയിലാണ്ടി പോലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്.
