വയനാട്ടില്‍ തകരാറിലായ മോട്ടോര്‍ നന്നാക്കുന്നതിനിടെ ദമ്പതികള്‍ ഷോക്കേറ്റ് മരിച്ചു
പുല്‍പ്പള്ളി: വയനാട്ടില്‍ ഷോക്കേറ്റ് ദമ്പതികള്‍ മരിച്ചു. കാപ്പി സെറ്റ് ചെത്തിമറ്റം പുത്തന്‍പുരയില്‍ ശിവദാസന്‍ (62) ഭാര്യ സരസമ്മ (56) എന്നിവരാണ് മരണപ്പെട്ടത്. കുടിവെള്ളത്തിനുള്ള മോട്ടറിലേക്കുള്ള കണക്ഷന്‍ ശരിയാക്കുന്നതിനിടയില്‍ ഷോക്കേല്‍ക്കുകയായിരുന്നു.
ഇന്ന് വൈകീട്ട് മൂന്നു മണിയോടെയാണ് സംഭവം. വീട്ടിലേക്ക് വെള്ളം പമ്പ് ചെയ്യുന്ന മോട്ടോറിലേക്കുളള വൈദ്യുതി കണക്ഷന്‍ ശരിയാക്കുന്നതിനിടയില്‍ ഷോക്കേറ്റാണ് ഇരുവര്‍ക്കും ഗുരുതരമായി പരിക്കേറ്റത്.
ഇവരുടെ കരച്ചില്‍ കേട്ട് സമീപവാസികള്‍ ഓടിയെത്തി ഇരുവരെയും പുല്‍പ്പള്ളിയില്‍ ആശുപത്രിയില്‍ എത്തിച്ചെങ്കിലും സരസമ്മ മരച്ചിരുന്നു. സുല്‍ത്താന്‍ബത്തേരിയിലെ ആശുപത്രിയിലേക്ക് കൊണ്ടുപോകുന്ന യാത്രാമധ്യേയാണ് ശിവദാസന്‍ മരണപ്പെട്ടത്. മകന്‍ ആഖേഷ്, മരുമകള്‍: രാജി.