പയ്യോളി: തച്ചന്‍കുന്നില്‍ നിര്‍മ്മാണത്തിലിരിക്കുന്ന വീടുകളുടെ വയറിങ് കേബിളുകള്‍ മോഷ്ടിച്ച കേസില്‍ പയ്യോളി സ്വദേശിയായ യുവാവ് പിടിയില്‍. ബിസ്മി നഗര്‍ കാഞ്ഞിരുള്ള പറമ്പത്ത് മുഹമ്മദ് നിഷാലിനെയാണ് പയ്യോളി പോലീസ് അറസ്റ്റ് ചെയ്തത്‌.

പ്രതി ഇരിങ്ങല്‍, കോട്ടക്കല്‍ ഭാഗങ്ങളിലും മോഷണം നടത്തിയതായാണ് വിവരം. പയ്യോളി കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു. ഡിസംബര്‍ 9നാണ്‌ മഠത്തില്‍ ബിനീഷ്, പെട്രോള്‍ പമ്പിന് സമീപത്തുള്ള സുഹറ എന്നിവരുടെ വീടുകളില്‍ നിന്നും വയറിങ് കേബിളുകള്‍ മോഷണം പോയ വിവരം പുറത്തുവന്നത്.

പണി പൂര്‍ത്തിയാകാത്ത വീടുകളായതിനാല്‍ വീടുകളില്‍ ആളില്ലാത്തതിനാല്‍ എപ്പോഴാണ് മോഷണം നടന്നതെന്ന് വ്യക്തമല്ല. രണ്ട് വീടുകളില്‍ നിന്നും വയറിങ് കേബിളുകള്‍ മുറിച്ചുമാറ്റി കൊണ്ടുപോകുകയായിരുന്നു. മോഷണം വിവരം ശ്രദ്ധയില്‍പെട്ടതോടെ വീട്ടുകാര്‍ പയ്യോളി പോലീസില്‍ പരാതി നല്‍കി. തുടര്‍ന്ന് നടത്തിയ അന്വേഷണത്തിലാണ് യുവാവ് പിടിയിലായത്.

Description: A case of theft of wiring cables from houses in Thachankunn; The youth from Payyoli was arrested