ഉള്ള്യേരിയില്‍ കാറും സ്‌ക്കൂട്ടറും കൂട്ടിയിടിച്ച് അപകടം; സ്‌കൂട്ടര്‍ യാത്രക്കാരനായ കൊയിലാണ്ടി സ്വദേശിക്ക് ഗുരുതരമായി പരിക്കേറ്റു
ഉള്ളിയേരി: ഉള്ളിയേരി – 19ാം മൈലില്‍ പൊതുവിതരണ കേന്ദ്രത്തിന് സമീപം കാറും സ്‌കൂട്ടറും കൂട്ടിയിടിച്ച് അപകടം. ഇന്നലെ രാത്രി 9.30 യോടെയാണ് സംഭവം. ബാലുശ്ശേരി ഭാഗത്ത് നിന്നും വരുകയായിരുന്ന കാറും ഉളളിയേരിയില്‍ നിന്നും വന്ന സ്‌കൂട്ടറും തമ്മില്‍ കൂട്ടിയിടിക്കുകയായിരുന്നു.
അപകടത്തില്‍ കൊയിലാണ്ടി പന്തലായനി സ്വദേശി പരലാത്ത് ചന്ദ്രന് (42) ഗുരുതരമായ പരിക്കേറ്റു. ഇയാളെ നാട്ടുകാര്‍ ഉടന്‍ തന്നെ മൊടക്കല്ലൂര്‍ മലബാര്‍ മെഡിക്കല്‍ കോളേജില്‍ പ്രവേശിപ്പിച്ചു. ഒരു മാസത്തിനിടയില്‍ നാലാമത്തെ അപകടമാണിത്. കഴിഞ്ഞ ആഴ്ച നന്മണ്ട സ്വദേശിയായ യുവതി ഓടിച്ച സ്‌കൂട്ടര്‍ ഇടിച്ച് കാഞ്ഞിക്കാവ് സ്വദേശിയ്ക്ക് പരിക്ക് പറ്റിയിരുന്നു