അരിക്കുളം: അതുല്യ കലാകാരനും ഗുരു ചേമഞ്ചേരിയുടെ ശിഷ്യനും സമകാലീനമായിരുന്ന ചെരിയേരി നാരായണൻ നായർ ”പ്രിയമാനസ…..നീ….വാ വാ ….. ” അനുസ്മരണം പേരാമ്പ്ര എംഎൽഎ ടി.പി രാമകൃഷ്ണൻ ഉദ്ഘാടനം ചെയ്തു. തൻ്റെ ജീവിത കാലഘട്ടം മുഴുക്കെ കലയെ ഉപാസിച്ച ഉത്തമ കലാകാരനായിരുന്നു ചെരിയേരിയെന്നും അംഗീകാരങ്ങൾക്കും താമ്ര പത്രങ്ങൾക്കും പുറകെ പോവാതെ നിസ്വാർത്ഥനായി കലയെ ഉപാസിച്ച അദ്ദേഹത്തിന്റെ സ്മരണയ്ക്ക് സഹൃദയലോകം നൽകുന്ന ഏറ്റവും വലിയ അംഗീകാരമാണ് അനുസ്മരണ ചടങ്ങും അതോടൊപ്പമുള്ള സർഗ്ഗസായാഹ്നമെന്നും അദ്ദേഹം പറഞ്ഞു.

അരിക്കുളം ഗ്രാമപഞ്ചായത്ത് പ്രസിഡണ്ട് എ.എം സുഗതൻ അധ്യക്ഷത വഹിച്ചു. ചടങ്ങിൽ ബ്ലോക്ക് പഞ്ചായത്ത് മെമ്പർ സി.എം രജില, വാർഡ് മെമ്പർമാരായ ശ്യാമള ഇടപ്പള്ളി, ബിന്ദു പറമ്പടി, ഇന്ദിര എ, ഭാസ്കരൻ കൊഴുക്കല്ലൂർ, ശിവദാസ് ചേമഞ്ചേരി, യുകെ രാഘവൻ മാസ്റ്റർ, കലാമണ്ഡലം പ്രേംകുമാർ, കാവുംവട്ടം വാസുദേവൻ, സുനിൽ തിരുവങ്ങൂർ, ചന്തു ബാബുരാജ്, പവിത്രൻ നായർ, മേപ്പയ്യൂർ ബാലൻ, എ.കെ.എൻ അടിയോടി, സി.രാധ, കെ.പി ഗോപാലൻ നായർ, ചാലിൽ സോമൻ, പുതുശ്ശേരി ബേബി, സി.എം ചന്ദ്രശേഖരൻ തുടങ്ങിയവര്‍ സംസാരിച്ചു.

രാജീവ് പി.ജി സ്വാഗതവും സി.എം മനോഹരൻ നന്ദിയും പറഞ്ഞു. തുടർന്ന് നടന്ന കലാസംഗീത സായാഹ്നം ശ്രീരഞ്ജിനി കലാലയം അരിക്കുളം ഒരുക്കിയ രംഗപൂജയോടെ ആരംഭിച്ചു . ചെരിയേരി ഈണമിട്ട ഗാനങ്ങൾ സംഗീത സായാഹ്നത്തിൽ ആലപിച്ചു.

പ്രിയമാനസാ നീ വാ എന്ന സംഗീതശില്പം ശ്രദ്ധേയമായിരുന്നു. ഇന്ത്യ ബുക്ക് ഓഫ് റെക്കോർഡിലും, കലാംസ് വേൾഡ് റെക്കോർഡിലും ഇടം നേടിയ അദ്രിനാഥ് എ.എസിനെ ചടങ്ങിൽ എംഎൽഎ ഉപഹാരം നൽകി ആദരിച്ചു. ജന്മനാടായ അരിക്കുളത്ത് ചെരിയേരി നാരായണൻ നായരുടെ അനശ്വര സ്മരണ നിലനിർത്തുന്ന തരത്തിൽ ഉചിതമായ പ്രവർത്തന പദ്ധതികൾക്ക് രൂപം നൽകുമെന്ന് സംഘാടക സമിതി അറിയിച്ചു.