വടകര: വടക്കൻ പാട്ടിൻറെയും തച്ചോളി കഥകളുടെയും പോരാട്ട വീര്യങ്ങളുടെയും ചരിത്രമാണ് വടകരയുടേത്. ഒരു ലോക്‌സഭ തെരഞ്ഞെടുപ്പിന് കൂടി കച്ച മുറുകുമ്പോൾ വടകര മണ്ഡലം എങ്ങോട്ട് ചിന്തിക്കും എന്നത് പെട്ടെന്ന് പ്രവചിക്കാൻ കഴിയില്ല. കണ്ണൂർ ജില്ലയിലെ തലശ്ശേരിയും കൂത്തുപറമ്പും കോഴിക്കോട് ജില്ലയിലെ വടകര, കുറ്റ്യാടി, നാദാപുരം, കൊയിലാണ്ടി, പേരാമ്പ്ര എന്നീ നിയമസഭ മണ്ഡലങ്ങളും ചേരുന്നതാണ് വടകര ലോക്‌സഭ മണ്ഡലം.

മുൻ കാലങ്ങളിൽ തുടർച്ചയായി എൽ.ഡി.എഫ് ജയിച്ചു കൊണ്ടിരുന്ന മണ്ഡലമാണ്. അതിന് വിഘാതം സൃഷ്ടിച്ച് യു.ഡി.എഫിന് വേണ്ടി സീറ്റ് പിടിച്ചെടുത്തത് ആദ്യം മുല്ലപ്പള്ളി രാമചന്ദ്രൻ ആയിരുന്നു. മുല്ലപ്പള്ളി രണ്ട് ടേം ഇവിടെ എം.പി ആയിരുന്നു. ഇപ്പോൾ കെ.മുരളീധനാണ് വടകരയിലെ എം.പി.

നടക്കാൻ പോകുന്ന ലോക്സഭാ തെരഞ്ഞെടുപ്പിൽ സിറ്റിം​ഗ് എംഎൽഎമാരായ കെ കെ ശെെലജ ടീച്ചർ എൽഡിഎഫിനും ഷാഫി പമ്പിൽ യുഡിഎഫിനുമായി സ്ഥാനാർത്ഥികളായി എത്തിയതോടെ വടകരയിലെ മത്സരത്തിലും മാറ്റം വന്നു. ശക്തമായ പോരാട്ടമാണ് വടകരയിലേതെന്ന് ഉറപ്പായി.

തലശേരി (സിപിഎം), കൂത്തുപറമ്പ (എൽജെഡി), വടകര (ആർഎംപി), കുറ്റ്യാടി (സിപിഎം), നാദാപുരം (സിപിഎം), കൊയിലാണ്ടി (സിപിഎം), പേരാമ്പ്ര (സിപിഎം) എന്നിങ്ങനെ ഒറ്റനോട്ടത്തിൽ എൽഡിഎഫ് മേൽക്കോയ്‌മ വടകര ലോക്‌സഭ മണ്ഡലത്തിലെ നിയമസഭ മണ്ഡലങ്ങളിൽ തോന്നുമെങ്കിലും കാര്യങ്ങൾ സങ്കീർണമാണ്. അതിനാൽ തന്നെ ഓരോ മണ്ഡലത്തിലെയും വോട്ടുകൾ സ്ഥാനാർത്ഥിയുടെ വിജയത്തിന് ഏറെ പ്രാധാന്യമുള്ളതാണ്. അതിനാ‍ൽ കുറ്റ്യാടി ആർക്കൊപ്പമെന്നാണ് എല്ലാവരും ഉറ്റുനോക്കുന്നത്.

1965 ൽ ആണ് ഇപ്പോഴത്തെ കുറ്റ്യാടി മണ്ഡലമായ മേപ്പയ്യൂരിലേക്ക് ആദ്യമായി തെരഞ്ഞെടുപ്പ് നടക്കുന്നത്. അന്ന് മുതൽ 2006 വരെയുള്ള കാലഘട്ടത്തിൽ ഏഴ് തവണ എൽഡിഎഫിന് ഒപ്പമായിരുന്നു മണ്ഡലം. രണ്ട് തവണ മുസ്ലിം ലി​ഗും രണ്ട് തവണ എഐഎംഎല്ലും വിജയിച്ചു. പിന്നീട് പ​ഴ​യ മേ​പ്പ​യൂ​ർ നി​യോ​ജ​ക മ​ണ്ഡ​ലം പു​നഃ​സം​ഘ​ടി​പ്പി​ച്ചാ​ണ്​ ​2011ൽ ​കു​റ്റ്യാ​ടി മ​ണ്ഡ​ലം രൂ​പ​വ​ത്​​ക​രി​ച്ച​ത്. ആ​ദ്യ ജ​യം എ​ൽ.​ഡി.​എ​ഫി​നാ​യി​രു​ന്നു. പി​ന്നീ​ട്​ മാ​റു​ക​യും മ​റി​യു​ക​യും ചെ​യ്തു. എ​ന്നാ​ൽ, പാ​ർ​ല​മെ​ന്റ്​ തെ​ര​ഞ്ഞെ​ടു​പ്പി​ൽ യു.​ഡി.​എ​ഫ്​ ഭൂ​രി​പ​ക്ഷം നി​ല​നി​ർ​ത്തി​വ​രു​ക​യാ​ണ്. ക​ഴി​ഞ്ഞ മൂ​ന്നു​ ലോ​ക്സ​ഭ തെ​ര​ഞ്ഞെ​ടു​പ്പു​ക​ളി​ലും യു.​ഡി.​എ​ഫി​നെ മു​ന്നി​ലെ​ത്തി​ച്ച നി​യ​മ​സ​ഭ മ​ണ്ഡ​ല​മാണ് കുറ്റ്യാടി. നിലവിൽ നേരിയ ഭൂരിപക്ഷത്തിനാണ് കുറ്റ്യാടി മണ്ഡലം എൽഡിഎഫ് പിടിച്ചെടുത്തത്. ലോക്സഭാ തെ​ര​ഞ്ഞെ​ടു​പ്പി​ൽ യുഡിഎഫിനൊപ്പം നിന്ന ചരിത്രമാണ് കുറ്റ്യാടിക്കുള്ളത്. അതിനാൽ കുറ്റ്യാടി മണ്ഡലം ആർക്കൊപ്പമാകുമെന്ന ആകാംഷയിലാണ് മുന്നണികളെല്ലാം.

ആ​കെ​യു​ള്ള എ​ട്ടു പ​ഞ്ചാ​യ​ത്തു​ക​ളി​ൽ അഞ്ചിടത്ത് എൽഡിഎഫും മൂ​ന്നി​ട​ത്ത് യു.​ഡി.​എ​ഫുമാണ് ഭ​ര​ണ​ത്തിലു​ള്ള​ത്. 2016ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ 1,57,810 വോ​ട്ട്​ പോ​ൾ ചെ​യ്ത​തി​ൽ യു.​ഡി.​എ​ഫി​ലെ പാ​റ​ക്ക​ൽ അ​ബ്​​ദു​ല്ല 71,809ഉം ​എ​ൽ.​ഡി.​എ​ഫി​ലെ കെ.​കെ. ല​തി​ക 70,652ഉം ​എ​ൻ.​ഡി.​എ 12,327 വോ​ട്ടു​മാ​ണ് നേ​ടി​യ​ത്. അ​ബ്ദു​ല്ല​യു​ടെ ഭൂ​രി​പ​ക്ഷം 1,157 ആ​യി​രു​ന്നു. എൽഡിഎഫിൽ നിന്ന് മണ്ഡലം യുഡിഎഫ് പിടിച്ചെടുക്കുകയായിരുന്നു.

തു​ട​ർ​ന്ന്​ 2019ൽ ​ന​ട​ന്ന ലോ​ക്സ​ഭ തെ​ര​ഞ്ഞെ​ടു​പ്പി​ൽ സിപിഎമ്മിന്റെ കണ്ണൂർ കരുത്തൻ പി ജയരാജനെ 84,663 വോട്ടുകളുടെ ഭൂരിപക്ഷത്തിൽ തോൽപിച്ച് കെ മുരളീധരൻ വടകരയിൽ നിന്ന് ലോക്‌സഭയിലെത്തി. കെ മുരളീധരന് 526,755 ഉം, പി ജയരാജന് 4,42,092 ഉം വോട്ടുകളാണ് കിട്ടിയത്. ബിജെപി സ്ഥാനാർഥിയായിരുന്ന വി കെ സജീവൻ നേടിയത് 80,128 വോട്ടുകൾ.

2021ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ എ​ൽ.​ഡി.​എ​ഫി​ലെ കെ.​പി. കു​ഞ്ഞ​മ്മ​ദ്​​കു​ട്ടി 80,143 വോ​ട്ടും യു.​ഡി.​എ​ഫി​ലെ പാ​റ​ക്ക​ൽ അ​ബ്​​ദു​ല്ല 79,810 വോ​ട്ടും ബി.​ജെ.​പി 9,139 വോ​ട്ടു​മാ​ണ്​ ​നേ​ടി​യ​ത്. കു​ഞ്ഞ​മ്മ​ദ്​​കു​ട്ടി​ 333 വോ​ട്ടി​ന്റെ ഭൂ​രി​പ​ക്ഷ​ത്തി​നാ​ണ്​ ജ​യി​ച്ച​ത്. ബി.​ജെ.​പി വോ​ട്ടു​ക​ൾ ക​ഴി​ഞ്ഞ ലോ​ക്സ​ഭ തെ​ര​ഞ്ഞെ​ടു​പ്പി​നേ​ക്കാ​ൾ കൂ​ടി​യെ​ങ്കി​ലും 2016 അ​സം​ബ്ലി തെ​ര​ഞ്ഞെ​ടു​പ്പി​നേ​ക്കാ​ൾ കു​റ​യു​ക​യാ​യി​രു​ന്നു.

ടി പി ചന്ദ്രശേഖരൻ രൂപീകരിച്ച ആർഎംപിഐക്കും കുറ്റ്യാടി മണ്ഡലത്തിൽ വെരോട്ടമുണ്ട്. അദ്ദേഹത്തിന്റെ കൊലപാതകത്തെ തുടർന്ന് ഉയർന്നുവന്ന വിവാദങ്ങളും നേരത്തെ നടന്ന തെരഞ്ഞെടുപ്പികളിൽ യുഡിഎഫിനെ തുണച്ചിരുന്നു.

മുസ്ലീം ലീ​ഗിന് കൂടുതൽ സ്വാധീനമുള്ള മണ്ഡലമാണ് കുറ്റ്യാടി. അതിനാൽതന്നെ ലീ​ഗിന്റെ വോട്ടുകളും നിർണ്ണായകമാണ്. പഞ്ചായത്തുകളും നിയമസഭാ മണ്ഡലവും ഒപ്പമുണ്ടെങ്കിലും നേരിയ ഭൂരിപക്ഷത്തിൽ പിടിച്ചെടുത്ത കുറ്റ്യാടി എൽഡിഎഫിനൊപ്പം നിൽക്കുമെന്ന് ഉറപ്പിച്ച് പറയാനാവില്ല. അതിനാൽ തന്നെ എൽഡിഎഫിന്റെ നിവിലെ വോട്ടുകൾ നഷ്ടപ്പെടുത്താതെ പരമാവധി വോട്ടുകൾ നേടാനാണ് എൽഡിഎഫിന്റെ ശ്രമം.