കൊയിലാണ്ടി: കൈയ്യില്‍ കുടുങ്ങിയ പുട്ട്കുറ്റി മുറിച്ച് മാറ്റി രക്ഷകരായി കൊയിലാണ്ടി അഗ്നിരക്ഷാസേന. ഇന്ന് വൈകീട്ട് മൂന്ന് മണിയോടെയാണ് സംഭവം.

ചെങ്ങോട്ട്കാവ് സ്വദേശിനിയുടെ കൈയ്യില്‍ കുടുങ്ങിയ പുട്ടുകുറ്റിയാണ് മുറിച്ചുമാറ്റിയത്. യുവതി കൊയിലാണ്ടി അഗ്‌നിരക്ഷാ നിലയത്തില്‍ സഹായത്തിനായി എത്തുകയായിരുന്നു.

ഏകദേശം ഇരുപത് മിനുറ്റോളം സമയമെടുത്തു മുറിച്ചുമാറ്റുവാനെന്ന് അഗ്നിരക്ഷാസേന കൊയിലാണ്ടി ന്യൂസ് ഡോട് കോമിനോട് പറഞ്ഞു. സ്റ്റേഷന്‍ ഓഫീസര്‍ ശരത് പി.കെ യുടെ നേതൃത്വത്തില്‍ സേനാംഗങ്ങള്‍ കട്ടിങ് പ്ലെയര്‍ ഉപയോഗിച്ച് പുട്ടുകുറ്റി സുരക്ഷിതമായി മുറിച്ചു മാറ്റി.