വടകര: പാര്‍ട്ടി നല്‍കിയ ഉത്തരവാദിത്വം നിറവേറ്റുമെന്ന് ഷാഫി പറമ്പില്‍. വടകരയിലെ സ്ഥാനാര്‍ത്ഥി പ്രഖാപനത്തെ തുടര്‍ന്ന് മാധ്യമങ്ങളോട് പ്രതികരിക്കുകയായിരുന്നു അദ്ദേഹം.

ഉത്തരവാദിത്വം അതീവ ഗൗരവത്തോടെ നിറവേറ്റുമെന്നും വടകരയിലെ ജനങ്ങളില്‍ വിശ്വാസമുണ്ടെന്നും ജനങ്ങള്‍ തീരുമാനിക്കും ആരാണ് ശക്തന്‍ എന്നും അദ്ദേഹം മാധ്യമങ്ങളോട് പ്രതികരിച്ചു.

എന്നെ ഈ നിലയില്‍ എത്തിച്ചത് പ്രസ്ഥനമാണെന്നും പാലക്കാട്ടെ ജനങ്ങളുടെ സ്‌നേഹം ഒരുകാലത്തും എനിക്ക് മറക്കാന്‍ കഴിയില്ലെന്നും വടകരയിലെ സ്ഥനാര്‍ത്ഥി നിര്‍ണ്ണയം പാര്‍ട്ടി നടത്തിയതില്‍ വലിയ ലക്ഷ്യങ്ങളുണ്ടെന്നും അദ്ദേഹം കൂട്ടിച്ചേര്‍ത്തു.

വടകരയിലെ ജനങ്ങള്‍ നല്‍കുന്ന പിന്തുണ വളരെ ആത്മവിശ്വാസം നല്‍കുന്നുണ്ടെന്നും പാലക്കാടുമായുളള വൈകാരിക ബന്ധം അറുത്ത്മാറ്റാന്‍ കഴിയുന്നതല്ലെന്നും  ഷാഫി പറമ്പില്‍  മാധ്യമങ്ങളോട് പറഞ്ഞു.