മുപ്പതോളം കുരുന്നുകളുടെ ഭാവനയില്‍തെളിഞ്ഞ ചിത്രങ്ങള്‍ പ്രദര്‍ശിപ്പിച്ച് പൊയില്‍ക്കാവ് സ്‌കൂള്‍ ‘ചിത്രവണ്ടി’
പൊയില്‍ക്കാവ്: കുരുന്നുകളുടെ ചിത്രകലയില്‍ വിരിഞ്ഞത് മുപ്പതോളം ചിത്രങ്ങള്‍. ചിത്രവണ്ടിയൊരുക്കി പൊയില്‍ക്കാവ് യു.പി സ്‌കൂള്‍. സ്‌കൂള്‍ ചിത്രകലാ ക്ലബ്ബായ നിറക്കൂട്ടത്തിന്റെ ആഭിമുഖ്യത്തിലാണ് ചിത്രങ്ങല്‍ പ്രദര്‍ശിപ്പിച്ചത്.
30 കുട്ടികളുടെ ചിത്രങ്ങള്‍ 30 ദിവസങ്ങളിലായി ചിത്ര വണ്ടിയില്‍ പ്രദര്‍ശിപ്പിച്ച് യാത്ര തുടരും. ആദി ഐമന്‍, നവന്യ പ്രമോദ്, ആദി ലക്ഷ്മി എന്നിവരുടെ ചിത്രങ്ങളാണ് ചിത്രവണ്ടിയില്‍ പ്രദര്‍ശിപ്പിച്ചത്.
ചിത്രപ്രദര്‍ശനം ചിത്രകാരനും ശില്പിയുമായ ഷാജി പൊയില്‍ക്കാവ് ഉദ്ഘാടനം ചെയ്തു. സുധീര്‍. കെ സ്വാഗതം പറഞ്ഞ ചടങ്ങിന് ഹെഡ്മിസ്ട്രസ് രോഷ്‌നി ആര്‍. അധ്യക്ഷത വഹിച്ചു. ചിത്രകാരന്‍ സുരേഷ് ഉണ്ണി ചിത്രവണ്ടി ഫ്‌ലാഗ് ഓഫ് ചെയ്തു. ചിത്രകലാധ്യാപകന്‍ സൂരജ് കുമാര്‍ നന്ദിയും പറഞ്ഞു.