വിവിധ പരിപാടികള്‍ സംഘടിപ്പിക്കാനൊരുങ്ങി ചേമഞ്ചേരി പാലിയേറ്റീവ് കെയര്‍; വീ കെയര്‍ ചാരിറ്റബിള്‍ സൊസൈറ്റിയുടെയും പാണക്കാട് പൂക്കോയ തങ്ങള്‍ ഹോസ്പിറ്റലുമായി സഹകരിച്ച് പാലിയേറ്റീവ് വളണ്ടിയര്‍ സ്‌പെഷ്യല്‍ മീറ്റ് സംഘടിപ്പിച്ചു
ചേമഞ്ചേരി: വീ കെയര്‍ ചാരിറ്റബിള്‍ സൊസൈറ്റി യുടെയും പാണക്കാട് പൂക്കോയതങ്ങള്‍ ഹോസ്പിറ്റലുമായി സഹകരിച്ചു പാലിയേറ്റീവ് വളണ്ടിയര്‍ സ്‌പെഷ്യല്‍ മീറ്റ് സംഘടിപ്പിച്ചു.
പ്രത്യേകം പരിശീലനം ലഭിച്ച 65വളണ്ടിയര്‍മാര്‍ വി കെയര്‍ ചാരിറ്റബിള്‍ സൊസൈറ്റിയുടെ നേതൃത്വത്തില്‍ പാലിയേറ്റീവ് ഹോം കെയര്‍ പരിചരണം നടത്തിവരുന്നുണ്ട്. ഫെബ്രവരി 6 ന് വളണ്ടിയര്‍മാര്‍ക്ക് അകലാ പുഴയിലേക്ക് പഠന വിനോദ യാത്ര സംഘടിപ്പിക്കുകയും ഫെബ്രവരി രണ്ടാം വാരം വിവിധ എജന്‍സികളുടെ സഹകരണ ത്തോടെ മെഗാ മെഡിക്കല്‍ ക്യാമ്പ് നടത്തുമെന്നും യോഗത്തില്‍ പറഞ്ഞു.
പി.ടി.എ.ച്ച് ട്രെയിനര്‍ എം.ടി മുഹമ്മദ് മാസ്റ്റര്‍ ഉദ്ഘാടനം ചെയ്തു. ചടങ്ങില്‍ വി കെയര്‍ ചെയര്‍മാന്‍ റഷീദ് വെങ്ങളം അധ്യക്ഷത വഹിച്ചു. ജനറല്‍ കണ്‍വീനര്‍ എംപി മൊയ്തീന്‍ കോയ സ്വാഗതം പറഞ്ഞു.കോ-ഓഡിനേറ്റര്‍ വി.കെ റാഫി സൗദ മൂസ്സ, ആലികോയ പൂക്കാട്. കെ. കെ. മുഹമ്മദ് കൊളക്കാട് എന്നിവര്‍ സംസാരിച്ചു.