കൊയിലാണ്ടി: മുഖ്യമന്ത്രിയുടെ വിദ്യാര്‍ത്ഥി പ്രതിഭാ പുരസ്‌ക്കരാത്തിന് അര്‍ഹയായി ഉളളിയേരി സ്വദേശിനി സന നൗഷാദ്. കാലിക്കറ്റ് യൂണിവേഴ്‌സിറ്റിക്ക് കീഴില്‍ ഡിഗ്രി തലത്തില്‍ ഉന്നത മാര്‍ക്ക് കരസ്ഥമാക്കിയതിനാണ് പുരസ്‌ക്കാരം ലഭിച്ചിരിക്കുന്നത്. 91.5 മാര്‍ക്ക് കരസ്ഥമാക്കിയാണ് സന ഡിഗ്രി പഠനം പൂര്‍ത്തീകരിച്ചത്.

ഫറൂഖ് കോളേജില്‍ നിന്നും ബി.എ ഇംഗ്ലീഷ് ലിറ്ററേച്ചറില്‍ ഉയര്‍ന്ന മാര്‍ക്കോടെ സന നൗഷാദ് പഠനം പൂര്‍ത്തിയാക്കിയത്.
ഡിഗ്രി തലത്തില്‍ 91.5 ശതമാനം മാര്‍ക്ക് കരസ്ഥമാക്കിയിരുന്നു. പത്താം ക്ലാസ്സില്‍ എല്ലാ വിഷയങ്ങളിലും എ പ്ലസും പ്ലസ് ടു സയന്‍സില്‍ 95 ശതമാനം മാര്‍ക്കും നേടിയിരുന്നു. പ്ലസ്ടു ജി.എച്ച്.എസ് എസ് കോക്കല്ലൂരിലും പത്താം ക്ലാസ് പാലോറ സ്‌കൂളിലുമാണ് പഠിച്ചത്.

കാലിക്കറ്റ് യൂണിവേഴ്‌സിറ്റിയില്‍ നിന്നും ഏകദേശം നൂറോളം പേരാണ് വിദ്യാര്‍ത്ഥി പ്രതിഭാ പുരസ്‌ക്കാരത്തിന് അര്‍ഹരായിരിക്കുന്നത്. ഫറൂഖ് കോളേജില്‍ നിന്നും 26 പേര്‍ക്കാണ് വിദ്യാര്‍ത്ഥി ഈ പുരസ്‌ക്കരാത്തിന് ലഭിച്ചിരിക്കുന്നത്. ഗ്രേസ് മാര്‍ക്കുകള്‍ ഒന്നും കൂടാതെ തന്നെ ഉന്നത മാര്‍ക്ക് ലഭിച്ചതിലും വിദ്യാര്‍ത്ഥി പ്രതിഭാ പുരസ്‌ക്കാരത്തിന് അര്‍ഹയായതിലും ഏറെ സന്തോഷമുണ്ടെന്ന് സന കൊയിലാണ്ടി ന്യൂസ് ഡോട് കോമിനോട് പറഞ്ഞു.

ഉളളിയേരി മുണ്ടോത്ത് പളളിക്ക് സമീപം നൗഷാദിന്റയും സാഫിനയുടെയും മകളാണ് സന നൗഷാദ്. നിലവില്‍ ദേവഗിരി കോളേജില്‍ എം.എ ഇംഗ്ലീഷ് വിദ്യാര്‍ത്ഥിനിയാണ് സന.