സ്‌കൂട്ടറിനെ മറികടക്കുന്നതിനിടെ കാര്‍ ടാങ്കര്‍ലോറിയിലും ബസ്സിലും ഇടിച്ച് അപകടം; കാട്ടിലെപ്പീടികയില്‍ നടന്ന അപകടത്തിന്റെ ദൃശ്യങ്ങള്‍ പുറത്ത്
കൊയിലാണ്ടി: കോഴിക്കോട് കണ്ണൂര്‍ ദോശീയപാതയില്‍ കാട്ടിലെപ്പീടികയില്‍ കാര്‍ ടാങ്കര്‍ ലോറിയിലും ബസ്സിലും ഇടിച്ച് അപകടം. അപകടത്തില്‍ രണ്ട് പേര്‍ക്കാണ് പരിക്കേറ്റത്. ഇന്ന് വൈകീട്ടോടെയാണ് സംഭവം. കാര്‍ യാത്രക്കാരായ രണ്ട് പേര്‍ക്കാണ് നിസ്സാരമായി പരിക്കേറ്റത്.
കാര്‍ സ്‌കൂട്ടറിനെ മറികടക്കാന്‍ ശ്രമിക്കുന്നതിനിടെ എതിരെ വന്ന ടാങ്കര്‍ ലോറിയിലിടിച്ച് നിയന്ത്രണം വിട്ട് പിറകെ വന്ന ബസ്സിന് ഇടിക്കുകയായിരുന്നു. തുടര്‍ന്ന് ഗതാഗത തടസ്സം നേരിട്ടതോടെ കൊയിലാണ്ടി പോലീസ് സ്ഥലത്തെത്തുകയും ഗതാഗതം പുനസ്ഥാപിക്കുകയും ചെയ്തു.