കുറുവങ്ങാട് ശക്തി തിയേറ്റേഴ്‌സ് അന്‍പതാം വാര്‍ഷിക ആഘോഷം; സാംസ്‌ക്കാരിക സദസ്സോടെ വാര്‍ഷികാഘോഷത്തിന് സമാപനം
കൊയിലാണ്ടി: അന്‍പതാം വാര്‍ഷികാഘോഷം ഗംഭീരമാക്കി ശക്തി തിയേറ്റേഴ്‌സ് കുറുവങ്ങാട്. വാര്‍ഷികാഘോഷ സമാപനത്തിന്റെ ഭാഗമായി സാംസ്‌ക്കാരിക സദസ്സ് സംഘടിപ്പിച്ചു.
സദസ്സിന്റെ ഉദ്ഘാടനം പ്രശസ്ത നോവലിസ്റ്റ് സുഭാഷ് ചന്ദ്രന്‍ നിര്‍വ്വഹിച്ചു. സ്വാഗത സംഘം ചെയര്‍മാന്‍ സുകുമാരന്‍ അധ്യക്ഷത വഹിച്ച ചടങ്ങില്‍ എന്‍.കെ മുരളി സ്വാഗതം പറഞ്ഞു. നഗരസഭ വൈസ് ചെയര്‍മാന്‍ അഡ്വ. കെ സത്യന്‍, മാധ്യമ പ്രവര്‍ത്തകന്‍ എന്‍. ഇ ഹരികുമാര്‍ നഗരസഭ കൗണ്‍സിലര്‍മാരായ കേളോത്ത് വത്സന്‍, പ്രഭ ടീച്ചര്‍, സുധ സി, ബിന്ദു പി ബി. രജീഷ് വെങ്ങളത്ത് കണ്ടി, ലൈബ്രറി സെക്രട്ടറി എന്‍.കെ സുരേന്ദ്രന്‍, ഇ.കെ പ്രജേഷ്, സി.കെ കൃഷ്ണന്‍ എന്നിവര്‍ ആശംസകള്‍ അര്‍പ്പിച്ച് സംസാരിച്ചു. മഠത്തില്‍ രാധാകൃഷ്ണന്‍ നന്ദിയും പറഞ്ഞു.