കൊയിലാണ്ടി കന്നൂരില്‍ ടൂറിസ്റ്റ് ബസ് പോസ്റ്റിലിടിച്ചു; നാളെ കൊയിലാണ്ടി നോര്‍ത്ത് സെക്ഷനില്‍ വൈദ്യുതി മുടങ്ങും
കൊയിലാണ്ടി: കന്നൂര് ടൂറിസ്റ്റ് ബസ് പോസ്റ്റിലിടിച്ച് അപകടം. ഇന്ന് വൈകുന്നേരം നാല് മണിയോടെയാണ് സംഭവം. പാലക്കാട് നിന്നും വന്ന ടൂറിസ്റ്റ് ബസാണ് പോസ്റ്റിലിടിച്ചത്‌. ഇടിയുടെ ആഘാതത്തില്‍ പോസ്റ്റ് ഭാഗികമായി തകര്‍ന്നു.
അപകടത്തില്‍ ആര്‍ക്കും പരിക്കില്ല. പോസ്റ്റ് മാറ്റി സ്ഥാപിക്കുന്നതുമായി ബന്ധപ്പെട്ട് നാളെ 9 മണി മുതല്‍ 5 മണി വരെ കൊയിലാണ്ടി നോര്‍ത്ത് സെക്ഷന്‍ പരിധിയില്‍ കന്നൂര്, കണയങ്കോട് തുടങ്ങിയ വിവിധയിടങ്ങളില്‍ വൈദ്യുതി മുടങ്ങുമെന്ന് കെ.എസ്.ഇ.ബി അധികൃതര്‍ അറിയിച്ചു.
അപകടത്തെ തുടര്‍ന്ന് ഏറെ നേരം കന്നൂര് റോഡില്‍ ഗതാഗതം തടസ്സം നേരിട്ടു.