ചക്കിട്ടപ്പാറയില്‍ കഞ്ചാവ് പിടികൂടി; പിടിച്ചെടുത്തത് ന്യൂയര്‍ ആഘോഷത്തിനായി വില്പനയ്ക്ക് തയ്യാറാക്കിയവ
പേരാമ്പ്ര: ചക്കിട്ടപ്പാറയില്‍ പാക്കറ്റുകളാക്കി സൂക്ഷിച്ച കഞ്ചാവ് പിടികൂടി. ചക്കിട്ടപ്പാറ സ്വദേശി നിരപ്പയില്‍ വീട്ടില്‍ ഫിലിപ്പ് എന്ന ഫിറോസാണ് കഞ്ചാവുമായി പോലീസിന്റെ പിടിയിലായത്.
ന്യൂ ഇയര്‍ പ്രമാണിച്ച് വില്‍പനക്ക് തയ്യാറാക്കി സൂക്ഷിച്ച കഞ്ചാവാണ് പോലീസ് പിടിച്ചെടുത്തത്. ഇയാളില്‍ നിന്നും 100 ഗ്രാം കഞ്ചാവാണ് പിടികൂടിയത്.
റൂറല്‍ എസ്.പി.ക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ ഇന്ന് എസ്.ഐ അന്‍വര്‍ഷായും എസ്.പി സ്‌ക്വാഡും പേരാമ്പ്ര ഡി.വൈ.എസ്.പി സ്‌ക്വാഡും ചേര്‍ന്നാണ് ഇയാളെ 100 ഗ്രാം കഞ്ചാവ് സഹിതം അറസ്റ്റ് ചെയ്തത്.