എന്‍ എസ് എസ് സപ്തദിന സഹവാസ ക്യാമ്പിന് മാപ്പിള ഗവ: ഹയര്‍ സെക്കണ്ടറി സ്‌കൂളില്‍ തുടക്കമായി
കൊയിലാണ്ടി: കൊയിലാണ്ടി മാപ്പിള ഗവ.ഹയര്‍ സെക്കണ്ടറി സ്‌കൂളില്‍ എന്‍.എസ്.എസ് സപ്തദിന സഹവാസ ക്യാമ്പ് തുടക്കമായി. ക്യാമ്പിന്റെ ഭാഗമായി വിദ്യാര്‍ഥികള്‍ ഊരള്ളൂര്‍ ടൗണില്‍ വിളംബര ജാഥ നടത്തി. കൂടാതെ ലഹരിവിരുദ്ധ ആശയം ഉള്‍ക്കൊള്ളുന്ന ഫ്‌ലാഷ് മോബ് അവതരിപ്പിക്കുകയും ചെയ്തു.
സ്‌നേഹാരാമ നിര്‍മാണം, വയോജനങ്ങളുടെ സ്‌നേഹ സന്ദര്‍ശനം, തൊഴിലുറപ്പ് തൊഴിലാളികളുമായി സ്‌നേഹസംവാദം,വിവിധ പഠനക്ലാസുകള്‍, കള്‍ച്ചറല്‍ പ്രോഗ്രാം എന്നിവ ക്യാമ്പിന്റെ ഭാഗമായി സംഘടിപ്പിക്കുന്നുണ്ട്.
അരിക്കുളം ഗ്രാമപഞ്ചായത്ത് വികസനകാര്യ സ്റ്റാന്റിംഗ്കമ്മിറ്റി ചെയര്‍മാന്‍ എം.പ്രകാശന്‍ ക്യാമ്പ് ഉദ്ഘാടനം ചെയ്തു. ഊരള്ളൂര്‍ എം.യു.പി സ്‌കൂള്‍ പി.ടി.എ വൈസ് പ്രസിഡന്റ് പി .വിനോദ്കുമാര്‍ അധ്യക്ഷത വഹിച്ചു.
പ്രോഗ്രാം ഓഫീസര്‍ വി.പി അബ്ദുല്‍ബാരി പദ്ധതി വിശദീകരിച്ചു. മാപ്പിള ഹയര്‍സെക്കണ്ടറി പ്രിന്‍സിപ്പാള്‍ കെ.ലൈജു, സ്റ്റാഫ് സെക്രട്ടറി പ്രേംഭാസിന്‍ ജെ.എന്‍, പി.ടി.എ അംഗം സജികുമാര്‍.കെ,വണ്ടിയര്‍ ലീഡര്‍ നവനിത നിജീഷ് എന്നിവര്‍ സംസാരിച്ചു.