ആട്ടവും പാട്ടുമൊക്കെയായി നാട് ഒന്നിച്ചു; ഏഴാം വാര്‍ഷികം ആഘോഷമാക്കി പയറ്റുവളപ്പില്‍ ഏകതാ റസിഡന്‍സ് അസോസിയേഷന്‍
കൊയിലാണ്ടി. ഏഴാം വാര്‍ഷികം ആഘോഷിച്ച് പയറ്റുവളപ്പില്‍ ഏകതാ റസിഡന്‍സ് അസോസിയേഷന്‍ അംഗങ്ങള്‍. വിവിധ കലാപരിപാടികളോടൊപ്പം ഉന്നത വിജയം നേടിയ വിദ്യാര്‍ത്ഥികള്‍ക്ക് പ്രത്യേക സമ്മാനങ്ങളും കൈമാറി.
വാര്‍ഷികാഘോഷ പരിപാടികള്‍ കാനത്തില്‍ ജമീല എം.എല്‍.എ ഉല്‍ഘാടനം ചെയ്തു സംസാരിച്ചു. സമീപകാലത്തെ കലുഷിതമായ ജീവിത സാഹചര്യങ്ങളില്‍ കുടുംബങ്ങളെ ഏകതയോടെ മുന്നോട്ടു കൊണ്ടു പോകുന്നതില്‍ റസിഡന്‍സ് അസോസിയേഷനുകള്‍ക്ക് വലിയ പങ്ക് വഹിക്കാനുണ്ടെന്ന് എം.എല്‍.എ പറഞ്ഞു.
നാടക സംവിധായകനും,ഗാനരചയിതാവുമായ ശിവദാസ് പൊയില്‍ക്കാവ് ചടങ്ങില്‍ മുഖ്യാതിഥിയായി, ഗിരീഷ് കുമാര്‍, ജാവില്ല അദ്ധ്യക്ഷത വഹിച്ച ചടങ്ങില്‍ കോതമംഗലം സൗത്ത് എല്‍.പി.സ്‌കൂളിന് അസോസിക്ഷേയേഷന്‍ നല്‍കുന്ന പ്രത്യേക സമ്മാനം സ്‌കൂള്‍എച്ച് ‘എം.ബീന എം.എല്‍.എ.യില്‍ നിന്നും ഏറ്റുവാങ്ങി.
മനോജ് പയറ്റുവളപ്പില്‍, കേളോത്ത് ശിവദാസ്, പി.കെ.ശശീന്ദ്രന്‍, ടി.ടി. ശ്രീധരന്‍, പി.പി. സുധീര്‍, വി.മുരളീകൃഷ്ണന്‍, ബിജി നിബാല്‍, പി.വി.രാജേഷ്, ഇ.കെ.രാജന്‍, ഷെല്‍ന, രാജു തട്ടാരി എന്നിവര്‍ സംസാരിച്ചു.