നാടന്‍പാട്ടുകളും കളികളുമായി ബാലവേദി കൂട്ടുകാര്‍; ‘കുഞ്ഞാറ്റക്കൂട്ടം’ കീഴരിയൂര്‍ വളളത്തോള്‍ ഗ്രന്ഥാലയത്തില്‍ ഒത്തുചേര്‍ന്ന് കൊച്ചു കൂട്ടുകാര്‍
കീഴരിയൂര്‍: കീഴരിയൂര്‍ വളളത്തോള്‍ ഗ്രന്ഥാലയത്തില്‍ ഒത്തുചേര്‍ന്ന് ബാലവേദി കൂട്ടുകാര്‍. ‘കുഞ്ഞാറ്റക്കൂട്ടം’ എന്ന പേര് നല്‍കി നാടന്‍പാട്ടും ഡാന്‍സുമൊക്കെയായി കുട്ടികള്‍ ആടിത്തിമിര്‍ത്തു.
കലാഭവന്‍ മണി പുരസ്‌ക്കാര ജേതാവ് ബിജു അരിക്കുളം കൂഞ്ഞാറ്റക്കൂട്ടം പരിപാടിക്ക് നേതൃത്വം നല്‍കുകയും ഉദ്ഘാടനം നിര്‍വ്വഹിക്കുകയും ചെയ്തു. ഗ്രന്ഥശാല പ്രസിഡണ്ട് വിനോദ് ആതിര, സെക്രട്ടറി പി.ശ്രീജിത്ത്, ഭരണ സമിതി അംഗങ്ങളായ സി.കെ. ബാലകൃഷ്ണന്‍, ഇ എം.നാരായണന്‍, ബി.ഡെലീഷ്, ഐ.ശ്രീനിവാസന്‍, ടി.പി.അബു, ഷൈമ കെ.കെ, സഫീറ കാര്യാത്ത്, ആതിര ടി.എം എന്നിവര്‍ നേതൃത്വം നല്‍കി.
പുതിയ ഭാരവാഹികളായി അയന വിജിത്ത് (പ്രസിഡണ്ട്), ഗീതാഞ്ജലി ലാല്‍പുരി (സെക്രട്ടറി), ആര്‍ണവ്.വി, നൈതിക് റാം (വൈസ് പ്രസിഡണ്ട്), ഹംന ആയിഷ, വൈഗശ്രീ (ജോ. സെക്രട്ടറി) എന്നിവരെ തെരഞ്ഞെടുത്തു.