വാശിയേറിയ പോരാട്ടത്തിനൊടുവില്‍ കപ്പ് സ്വന്തമാക്കി ലൂപ്പ എഫ്.സി കല്ലായി; ഡി.വൈ.എഫ്.ഐ മനുഷ്യചങ്ങലയുടെ പ്രചാരണാര്‍ത്ഥം തിക്കോടിയില്‍ ഫുട്ബോള് ടൂര്‍ണമെന്റ്
തിക്കോടി: വാശിയേറിയ പോരാട്ടത്തിനൊടുവില്‍ ത്രീസ് ഫുട്ബോള് ടൂര്‍ണമെന്റില്‍ ലൂപ്പ എഫ്.സി കല്ലായി കപ്പ് സ്വന്തമാക്കി. ഇന്ന് കാസര്‍ഗോഡ് മുതല്‍ തിരുവനന്തപുരം വരെ ഡി.വൈ.എഫ്.ഐ നടത്തുന്ന മനുഷ്യചങ്ങലയുടെ പ്രചാരണാര്‍ത്ഥമാണ് തിക്കോടിയില്‍ ഫുട്ബോള് ടൂര്‍ണമെന്റ് സംഘടിപ്പിച്ചത്.
36 ഓളം ടീമുകള്‍ പങ്കെടുത്ത ടൂര്‍ണമെന്റില്‍ റെഡ് ബോയ്‌സ് നരിക്കുനി രണ്ടാം സ്ഥാനം കരസ്ഥമാക്കി. തിക്കോടി പഞ്ചായത്ത് ബസാറില്‍ വച്ച് നടന്ന ടൂര്‍ണമെന്റ് ഡി.വൈ.എഫ്.ഐ സംസ്ഥാന വൈസ് പ്രസിഡന്റ് എല്‍.ജി.ലിജീഷ് ഉദ്ഘാടനം ചെയ്തു.
വിജയികള്‍ക്കുള്ള ട്രോഫികള്‍ ഡി.വൈ.എഫ്.ഐ മുന്‍ ബ്ലോക്ക് പ്രസിഡന്റ് ബിജു കളത്തില്‍ വിതരണം ചെയ്തു. റയീസ് എന്‍.കെ അഖിലേഷ് ജൂബിത്ത്, ആല്‍വിന്‍, സുദേവ്, അഭിഷേക്, വിഷ്ണു, മുഹമ്മദ്, അഗ്‌നിവേഷ് എന്നിവര്‍ നേതൃത്വം നല്‍കി.