2023-24 വാര്‍ഷിക പദ്ധതി; വനിത ഗ്രൂപ്പ് നാട്യകല സംരംഭത്തിന് മേലടി ബ്ലോക്ക് പഞ്ചായത്തില്‍ തുടക്കം
തിക്കോടി: മേലടി ബ്ലോക്ക് പഞ്ചായത്ത് എസ്.സി വനിത ഗ്രൂപ്പ് നാട്യ കല സംരംഭത്തിന് തുടക്കം. 2023-24 വാര്‍ഷിക പദ്ധതിയില്‍ ഉള്‍പ്പെടുത്തിയാണ് സംരംഭത്തിന് തുടക്കം കുറിച്ചിരിക്കുന്നത്.
പുറക്കാട്, തിക്കോടി, എന്നിവിടങ്ങളിലെ സ്ഥാപനത്തിന്റെ ഉദ്ഘാടനം മേലടി ബ്ലോക്ക് പഞ്ചായത്ത് പ്രസിഡന്റ് സുരേഷ് ചങ്ങാടത്ത് നിര്‍വഹിച്ചു. ജമീല സമദ് തിക്കോടി ഗ്രാമ പഞ്ചായത്ത് പ്രസിഡന്റ് അദ്ധ്യക്ഷത വഹിച്ചു.
ചടങ്ങില്‍ മേലടി ബ്ലോക്ക് പഞ്ചായത്ത് വൈസ് പ്രസിഡന്റ് പി. പ്രസന്ന, സ്റ്റാന്റിങ് കമ്മിറ്റി അധ്യക്ഷന്‍മാരയ എം.എം രവീന്ദ്രന്‍, മഞ്ഞക്കുളം നാരായണന്‍, ലീന പുതിയോട്ടില്‍, ബ്ലോക്ക് പഞ്ചായത്ത് മെമ്പര്‍ രാജിവന്‍ കൊടലൂര്‍, തിക്കോടി ഗ്രാമ പഞ്ചായത്ത് മെമ്പര്‍ ഷിബ പുല്‍പ്പാണ്ടി ,വി.കെ സുധീഷ് കുമാര്‍ ( വ്യവസായ വികസന ഓഫിസര്‍ ) എന്നിവര്‍ സംസാരിച്ചു.