കൊയിലാണ്ടി: മലബാര്‍ ദേവസ്വം എംപ്ലോയീസ് യൂണിയന്‍ (സി.ഐ.ടി.യു) മുന്‍ സംസ്ഥാന സെക്രട്ടറിയായിരുന്ന എ. വേണുഗോപാല്‍ അനുസ്മരണം നവംബര്‍ 14 ന് കൊയിലാണ്ടി പഴയ ചെത്തുതൊഴിലാളി മന്ദിരത്തില്‍ വെച്ച് നടന്നു. മലബാര്‍ ദേവസ്വം എംപ്ലോയീസ് യൂണിയന്‍ സി.ഐ.ടി.യു കൊയിലാണ്ടി ഏരിയ കമ്മിറ്റി സംഘടിപ്പിച്ച അനുസ്മരണ പരിപാടി സി.ഐ.ടി.യു കൊയിലാണ്ടി ഏരിയ സെക്രട്ടറി സി.അശ്വനി ദേവ് ഉദ്ഘാടനം ചെയ്തു.

ഏരിയാതല മെമ്പര്‍ഷിപ്പ് ഉദ്ഘാടനം പൊയില്‍ക്കാവ് ശ്രീ ദുര്‍ഗ്ഗാ ദേവി ക്ഷേത്രം കഴകം ജീവനക്കാരന്‍ സി.ഹരിദാസന്‍ നമ്പീശന് നല്‍കി അശ്വിനിദേവ് നിര്‍വ്വഹിച്ചു. യൂണിയന്‍ ഏരിയ സെക്രട്ടറി കെ.കെ.രാകേഷ് സ്വാഗതം പറഞ്ഞു. ഏരിയാ പ്രസിഡണ്ട് ഗോപേഷ് കുമാര്‍ കാഞ്ഞിലശ്ശേരി അധ്യക്ഷനായിരുന്നു. ട്രഷറര്‍ വി.പി.രാജീവന്‍ നന്ദി രേഖപ്പെടുത്തി.