കോഴിക്കോട്: നവംബര്‍ പത്തിന് ആരംഭിച്ച ജില്ലാതല കേരളോത്സവ കായിക മത്സരങ്ങള്‍ പുരോഗമിക്കുന്നു. അത്‌ലറ്റിക്‌സ് മത്സരങ്ങള്‍ നാളെ രാവിലെ ഏഴര മുതല്‍ മെഡിക്കല്‍ കോളേജ് ഗ്രൗണ്ടില്‍ ആരംഭിക്കും.

അത്‌ലറ്റിക്‌സിന് പുറമേ ബാസ്‌കറ്റ്ബാള്‍ വോളിബോള്‍ മത്സരങ്ങളും നാളെ നടക്കും. വട്ടോളി വി.എന്‍.എച്ച്.എസ്.എസിലാണ് ബാസ്‌കറ്റ് ബാള്‍ മത്സരങ്ങള്‍ നടക്കുന്നത്. രാവിലെ എട്ട് മണിക്ക് മത്സരം ആരംഭിക്കും.

പഞ്ചഗുസ്തി, ചെസ് മത്സരങ്ങളാണ് ഇന്നലെ നടന്നത്. നവംബര്‍ 13ന് ദേവഗിരി കോളേജില്‍ ഷട്ടില്‍ ബാഡ്മിന്റണ്‍ മത്സരങ്ങള്‍ നടക്കും. 14, 15, 16 തിയ്യതികളില്‍ കോഴിക്കോട് ഫിസിക്കല്‍ എഡ്യുക്കേഷന്‍ ഗ്രൗണ്ടില്‍ ക്രിക്കറ്റ് മത്സരങ്ങള്‍ നടക്കും. 15ന് മണിയൂരില്‍വെച്ച് രാവിലെ ഒമ്പത് മണിക്ക് വടംവലി മത്സരങ്ങളും അരങ്ങേറും.

ലോകനാര്‍കാവില്‍വെച്ച് 17ന് കളരിപ്പയറ്റും, ജെ.ഡി.ടി കോളേജില്‍ 18ന് ആര്‍ച്ചറി മത്സരങ്ങളും അന്നേ ദിവസം തന്നെ ഫിസിക്കല്‍ എഡ്യുക്കേഷന്‍ ഗ്രൗണ്ടില്‍ കബഡി മത്സരങ്ങളും നടക്കും.

പെരുവയല്‍ സെന്റ് സാവിയോ യു.പി സ്‌കൂള്‍ ഗ്രൗണ്ടില്‍ 18, 19 തിയ്യതകളിലാണ് ഫുട്‌ബോള്‍ മത്സരം. നടക്കാവ് സ്വിമ്മിങ് പൂളില്‍ നവംബര്‍ 19ന് നടക്കുന്ന നീന്തല്‍ മത്സരത്തോടെ കായിക മത്സരങ്ങള്‍ അവസാനിക്കും.