കൊയിലാണ്ടി: കോരപ്പുഴയിലെ കലാസാംസ്കാരിക സംഘടനയായ സ്പൈമോക്ക്‌ (സോഷ്യൽ പ്രോഗ്രസീവ് ഇൻഡിപെന്റഡ് മൂവ്മെൻറ് ഓഫ് കോഴിക്കോട്) ഓണാഘോഷത്തോടനുബന്ധിച്ച് കോരപ്പുഴയിൽ ജലോത്സവം നടത്തുന്നു. ആ​ഗസ്റ്റ് 28-ന് ഉത്രാടം നാളിലാണ് പരിപാടികൾ സംഘടിപ്പിക്കുന്നത്.

മിനി മാരത്തൺ, തോണിതുഴയൽ മത്സരം, പൂക്കള മത്സരം, കളുടെയും, കുട്ടികളുടെയും കൗതുക മത്സരങ്ങൾ ഉൾപ്പെടുന്ന പരിപാടിയായ നാട്ടരങ്ങ്, തിരുവാതിരക്കളി, ഒപ്പന, ദഫ്, കളരിപ്പയറ്റ്, ചെണ്ടമേളം, കോൽക്കളി എന്നിവയുണ്ടാകും. സാംസ്കാരിക സമ്മേളനം, നൃത്തനൃത്യങ്ങൾ, കലാസന്ധ്യ, ഗാനമേള എന്നീ പരിപാടികളും നടക്കും. മത്സരത്തിൽ പങ്കെടുക്കാൻ താത്‌പര്യമുള്ളവർ ഓഗസ്റ്റ് 25-ന് മുൻപായി പേര് രജിസ്റ്റർ ചെയ്യണം. ഫോൺ: 9961416111.