കൊയിലാണ്ടി സ്വദേശിനി രഞ്ജുഷയ്ക്ക് ‘ഭരത സ്മൃതി’ കലാ സപര്യ പുരസ്‌കാരം
കോഴിക്കോട്: കോഴിക്കോട് ചലച്ചിത്ര കൂട്ടായ്മയുടെ ആഭിമുഖ്യത്തില്‍ സംവിധായകന് ഭരത സ്മൃതി എന്ന പേരില്‍ സംവിധായകന് ഭരതന്‍ അനുസ്മരണവും കലാ സപര്യ പുരസ്‌കാര സമര്‍പ്പണവും നടത്തി. കൊയിലാണ്ടി സ്വദേശിനിയായ നടി രഞ്ജുഷ കലാസപര്യ പുരസ്‌കാരത്തിന് അര്‍ഹയായി.
കോഴിക്കോട് നളന്ദ ഓഡിറ്റോറിയത്തില്‍ നടന്ന ചടങ്ങ് സംവിധായകന് പി. കെ. ബാബുരാജ് ഉദ്ഘാടനം ചെയ്തു കൊണ്ട് അനുസ്മരണ പ്രഭാഷണം നടത്തി. കലാസംവിധായകന്‍ ഷാനവാസ് കണ്ണഞ്ചേരി അധ്യക്ഷത വഹിച്ചു. മുരളി ബേപ്പൂര്‍ തിരക്കഥകൃത്ത് ഹംസ കയനിക്കര ബൈജു പുതിയറ, രൂപേഷ് രവി, നോവലിസ്റ്റ് ആയിഷ കക്കോടി എന്നിവര്‍ പ്രസംഗിച്ചു.
നടി രഞ്ജുഷ, യുവ പ്രതിഭ പുരസ്‌കാരം നേടിയ രാജേഷ് മല്ലര്‍കണ്ടി, ഗായകന്‍ ശ്രീകാന്ത് കൃഷ്ണ, സാമൂഹ്യ സേവന മികവിന് ഉമ്മര്‍ വെള്ളലശേരി, മികച്ച സംഗീത സംവിധായകന് ഹരികുമാര്‍ ഹരേ റാം, സമഗ്ര സംഭാവനക്ക് മെഹമൂദ് കാലിക്കറ്റ് എന്നിവരെ പുരസ്‌ക്കാരങ്ങള്‍ നല്‍കി ആദരിച്ചു.