കൊയിലാണ്ടിയിൽ മരക്കൊമ്പ് പൊട്ടിവീണ് ഗതാഗതം തടസ്സപ്പെട്ടു; മുറിച്ച് നീക്കി ഫയർ ഫോഴ്സ്
കൊയിലാണ്ടി: നഗരത്തിൽ മരക്കൊമ്പ് പൊട്ടിവീണതിനെ തുടർന്ന് ഗതാഗതം തടസപ്പെട്ടു. വ്യാഴാഴ്ച പുലർച്ചെ ഒരു മണിയോടെയാണ് സംഭവം. സായി പെട്രോൾ പമ്പിന് സമീപമാണ് ദേശീയപാതയിൽ മരക്കൊമ്പ് പൊട്ടി വീണത്.
വിവരം ലഭിച്ചതിനെ തുടർന്ന് കൊയിലാണ്ടി ഫയർ ഫോഴ്സ് സ്ഥലത്തെത്തി മരക്കൊമ്പ് മുറിച്ചു മാറ്റി ഗതാഗതം പുനഃസ്ഥാപിച്ചു. സേനാംഗങ്ങളായ പി.കെ.ബാബു, ബിനീഷ്, ഇർഷാദ്, അനൂപ്, റഷീദ്, രാജീവ് എന്നിവർ പ്രവര്‍ത്തനത്തിൽ പങ്കാളികളായി.
വീഡിയോ കാണാം: